Lugo, 13 de agosto de 2020. O Presidente da Deputación de Lugo, José Tomé Roca, xunto á voceira socialista do Goberno e Deputada de Réxime Interior, Promoción do Territorio e Turismo, Pilar García Porto, o Deputado de Promoción Económica e Social, Pablo Rivera Capón, e o Alcalde de Pol, Lino Rodríguez Ónega, visitaron este xoves as obras de construción dun novo campo de fútbol e dunha área de lecer e deportiva en Mosteiro. A colaboración da Deputación con estas actuacións impulsadas polo Concello ascende a preto de 330.000€, entre dous convenios e a aportación a través do Plan Único 2019.
Tomé Roca subliñou que “a Deputación de Lugo ten o firme compromiso de colaborar con todos os concellos da provincia para sacar adiante proxectos que redundan na mellora dos sevizos públicos e, polo tanto, que melloran a calidade de vida e o benestar dos veciños e das veciñas”. Ademais, o Presidente recordou que este compromiso fíxose realidade co Concello de Pol coa posta en marcha da residencia, ofrecendo “unha atención de calidade e próxima aos maiores, ademais de crear riqueza e emprego neste concello, e tamén o facemos realidade apoiando este importante proxecto para a creación dunha gran área de lecer e deportiva en Mosteiro”.
O mandatario provincial engadiu que “Deputación e concellos traballamos xuntos para poder sacar adiante iniciativas como esta, dunha contía económica considerable, que as administracións locais non poderían asumir en solitario. Nos tempos de crise como o que nos toca vivir pola pandemia, é fundamental a cooperación e manter ferramentas como o Plan Único, que garanten unha achega de fondos ós concellos dun xeito transparente e con criterios obxectivos”.
“As obras públicas son un elemento máis á hora de loitar contra os efectos económicos derivados da Covid-19. Así que o mero feito de acometer estas obras neste momento ten xa en si un efecto positivo na economía e no emprego. E nun futuro próximo, os veciños e veciñas de Pol disporán dun novo equipamento que, ademais de ampliar a oferta de servizos públicos, vai axudar a dinamizar a vida social, deportiva e económica deste municipio. Este espazo pode xuntar ademais xeracións de mozos e maiores, incentivando así a convivencia e a creación de comunidade”, engadiu o Presidente.
Por outra banda Lino Rodríguez agradeceu a colaboración da Deputación para poder levar a cabo estas actuacións en Mosteiro e subliñou que “ o concello de Pol nunca tivo un campo de fútbol propio”. “Agora estamos nunha situación de obras que espero que en novembro aproximadamente estean finalizadas ou bastante avanzadas” engadiu o Alcalde.
Características
O proxecto impulsado polo Concello de Pol para a creación dunha nova área de lecer e deportiva en Mosteiro desenvólvese nun terreo de 38.000 m². As instalacións, que están preto do pavillón municipal, o colexio e a piscina, inclúen un campo de fútbol de herba natural e unha área de xogos. O campo de fútbol contará cunhas dimensións de 105×68 metros de terreo de xogo, máis de 1,5 metros de bandas nos laterais e 2,5 metros nos fondos. A zona de xogos constará de pistas de billarda, bolos, petanca, pádel, xogos de mesa e unha tirolina.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
