Viveiro, 13 de agosto de 2020. O grupo de goberno do Concello de Viveiro, en resposta ás afirmacións realizadas pola portavoz do BNG de Viveiro manifestando que o Concello de Viveiro suspendeu a contratación de persoal administrativo sen comunicarllo ás persoas participantes, por parte do goberno municipal queremos aclarar, tal e como xa se fixo no Pleno celebrado o día 5 de agosto, que estas manifestacións carecen de veracidade.
Respecto ás prazas convocadas en data 10 de marzo de 2020 mediante a modalidade de interinidade por acumulación de tarefas no servizo de contratación, co fin de poder poñer ao día os expedientes de licitación que se atopaban atrasados no referido departamento, cómpre indicar que esta selección se realizaba única e exclusivamente con esa finalidade, pola acumulación de tarefas nun departamento concreto, en virtude do establecido nos artigos 10 do Texto Refundido da Lei do Estatuto Básico do Empregado Público e no artigo 23 da Lei de Emprego Público de Galicia. O nomeamento de persoal funcionario interino por exceso ou acumulación de tarefas establécese na normativa con carácter excepcional.
Catro días despois da referida convocatoria decretouse o Estado de Alarma, suspendéndose os prazos administrativos, o que levou á suspensión deste procedemento ata o día 1 de xuño.
Dende o momento da convocatoria, e como consecuencia da crise sanitaria provocada polo covid-19, mudaron as circunstancias. En cumprimento do establecido na normativa estatal de aplicación á administración local, os servizos de carácter administrativo deste concello viñeron desempeñándose nun primeiro momento de forma telemática na súa totalidade e con posterioridade compaxinando o traballo telemático co traballo presencial, permitindo o teletraballo a tramitación dunha gran cantidade de procedementos de licitación que se atopaban pendentes no servizo de contratación o que con anterioridade non resultaba posible pola actividade diaria do traballo presencial.
Por este motivo, dende o goberno municipal, e como se manifestou no referido Pleno, estase a valorar se coa modificación destas circunstancias, é dicir, coa posta ao día de numerosos expedientes grazas ao traballo telemático, resulta necesario continuar con este procedemento, xa que, como se indicaba, estaba dirixido única e exclusivamente ao servizo de contratación, tendo que valorar a evolución da situación antes de decidir sobre este extremo.
Por parte do goberno municipal, tal e como se manifestou no referido Pleno queremos aclarar a situación e pedir que non se confunda á cidadanía, posto que en ningún momento se respondeu á concelleira do BNG que se desistira do procedemento, senón que se está valorando a situación, tal e como se debe facer en virtude do interese público, aos efectos de comprobar se coa modificación destas circunstancias resulta necesario continuar con este procedemento, que, como se dixo, estaba dirixido única e exclusivamente ao servizo de contratación.
Trátase dun procedemento administrativo, un proceso selectivo, no que todos os trámites e decisións que se adopten deben ser realizadas mediante o correspondente acto administrativo, que se publica ou notifica aos interesados no procedemento. Non pode, por conseguinte, este Concello comunicar doutro xeito decisión algunha aos aspirantes, senón mediante a adopción do correspondente acto administrativo e a súa notificación ou publicación. Para poder ditar os correspondentes actos administrativos, e, no seu caso, o posible desistimento ou non do proceso, este Concello, atendendo, en todo caso, ao interese xeral e á necesidade da racionalización administrativa e do gasto público, debe valorar as novas circunstancias xurdidas dende a súa convocatoria, totalmente impredecibles naquel momento, que, coa implantación forzosa do traballo a distancia permitiu que se puidera realizar a posta ao día de moitos procedementos, polo que, estanse analizando os procedementos que hai pendentes e valorando a necesidade ou non de continuar con ese proceso, tendo en conta tamén a posibilidade de contratar, nestes momentos, con cargo ao Plan Único un administrativo que pode realizar parte desas funcións.
Atendendo a que se trataba dunha contratación excepcional vinculada a unha situación concreta e que nestes momentos se está a analizar se se seguen mantendo as circunstancias que no momento da convocatoria posibilitaban este proceso selectivo, o concello ten a obriga de valorar se segue sendo necesario continuar con ese procedemento; sen ter realizada dita valoración neste momento. Como xa se dixo, unha vez analizada a situación actual e comprobado se se seguen a dar as circunstancias de necesidade de acumulación de tarefas no servizo de contratación, ou ben se poden poñer ao día os procedementos de licitación pendentes co persoal actual, o concello ditará os correspondentes actos administrativos e publicaraos para xeral coñecemento de tódolos interesados no proceso selectivo.
Reitérase a petición de que non se confunda aos interesados dando por feito cuestións que non están aínda determinadas e que non se poden determinar sen previa análise e valoración exhaustiva sobre se se manteñen neste momento as circunstancias que serviron de base para a convocatoria deste proceso selectivo, recordando a obriga de toda administración de velar polo interese xeral e pola racionalización do gasto público e a sustentabilidade financeira. Non se considera de recibo tachar de improvisación e falta de planificación a este goberno pola necesidade da valoración da nova situación xurdida con motivo dunha pandemia mundial.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
