Viveiro, 6 de agosto de 2020. Hai entre os veciños de Covas algúns que sospeitan que se hai algunha razón para que o Concello de Viveiro non repare o acceso á igrexa parroquial de Covas ten que estar baseada en criterios ideolóxicos; hai quen sospeita tamén que o goberno municipal mantén a citada vía no estado no que se atopa precisamente porque da servizo ao templo. O mal estado desta vía xa foi obxecto dunha iniciativa municipal do PP en decembro do ano pasado; de nada serviron os argumentos expostos polos populares e o Concello, presidido pola socialista María Loureiro, non fixo aínda mellora algunha. O PP insiste: é necesario que o goberno municipal abandone a zona de confort na que está instalado e atenda as necesidades dos veciños e, en concreto, repare o acceso á igrexa parroquial de Covas.
O grupo municipal popular, que ten por portavoz a Óscar Rodríguez, destaca que esta vía que dá acceso á igrexa de Covas é moi transitada. Os veciños quéixanse de que a calzada é unha sucesión de fochancas, que fai moi incómoda, e nada segura, a circulación de vehículos a motor; para os peóns resulta sumamente molesto camiñar por esta vía debido ao mal estado do pavimento. Rodríguez di: “É unha falta de respecto aos veciños que o Concello non repare o pavimento do acceso á igrexa parroquial de Covas”.
Os concelleiros populares sinalan: “Sen maior motivo para presumir de resultados electorais, como se viu nas pasadas autonómicas, á alcaldesa gústalle dicir ao noso grupo: “A ustedes se les quejan y a mí me votan”. Pois mire, se nos dan as queixas pola súa deficiente xestión é porque os veciños padecen moitos problemas que debe resolver o Concello, gobernado por María Loureiro, e non resolve. En canto á cuestión dos votos, recomendámoslle que mire ben os resultados e saque conclusións. Pero, de momento, nós facémonos eco das queixas dos veciños e reclamamos de vostede e do seu goberno que amañe o acceso á igrexa de Covas. E cando chegue o momento que decidan os propios veciños quen estivo con eles e quen gobernou contra eles”.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
