Ribadeo, 12 de setembro de 2020. A Concellaría de Cultura organiza un ciclo musical que se celebrará no Forte de San Damián, se o tempo o permite, os días 18, 19, 25 e 26 de setembro. Soa Forte ofrecerá varias actuacións musicais de diversos estilos desde a tradición das cantareiras ata o hip hop.
A concelleira de Cultura, Pilar Otero, declarou que “temos dito varias veces, ao longo destes meses, que a cultura non pode parar e que quedou demostrado no tempo de confinamento o importante papel que pode ter nas nosas vidas a actividade cultural. Por iso desde o Concello de Ribadeo continuamos a apostar pola arte e pola vida cultural, aproveitando todos os espazos que temos e poñendo en valor o noso patrimonio tamén en territorios rurais”.
A edil nacionalista dixo que “neste caso nun dos lugares emblemáticos de Ribadeo, nunha construción defensiva, que agora retoma o seu uso cultural para ás persoas que veñan desfrutar do Soa Forte. Así pois rematamos o verán programando un pequeno ciclo de eventos culturais que se levarán a cabo no Forte de San Damián, se o tempo o permite”.
Otero subliñou que “se trata de facer soar forte e dar voz a propostas artísticas alternativas co nexo común da importancia da palabra tratada por diferentes estilos musicais. Cantautores, rapeiros, cantareiras e cantareiros reelaboradores da tradición que serven de último reduto da fortaleza dos valores que transmite a cultura sen afectación”.
A edil ribadense agradeceu “o deseño e colaboración da produtora artística Mialma Producióis, que nos axudou a levar a cabo esta serie de eventos de formato reducido e o apoio de todas as persoas implicadas”.
Pilar Otero lembrou que “os eventos culturais están a ser dos actos sociais máis seguros. Tomamos todas as medidas precisas para desenvolver este tipo de actos con seguridade, seguindo todos os protocolos sanitarios no referente ao Covid-19, e apelamos ao comportamento responsable das persoas que asisten a eles, como xa ven sendo habitual”.
A concelleira de Cultura anunciou que “os concertos terán lugar ás sete da tarde no Forte de San Damián, se o tempo o permite, xa que en caso de choiva os eventos serán trasladados ao Cine Teatro. As propostas elixidas para esta edición 2020 son: o 18 de setembro a Pequena Compañía Nenos Enormes presenta un espectáculo que combina teatro, ironía e humor; o sábado 19 Kiko Poe achéganos ao hip hop; o venres 25 temos a sorte de ter entre nós ao cantautor Paco Cifuentes e a colaboración de Ugía Pedreira; e o sábado 26 Paraíso Canto, un dúo que traballa entre outras cousas na reelaboración da música tradicional. Espero que o desfrutemos todos e que poidamos seguir facendo estes pequenos actos culturais”.
A Concellaría de Cultura organiza o ciclo Soa Forte que se celebrará no forte de San Damián do 18 ao 26 de setembro
Relacionado
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
