Ribadeo, 9 de setembro de 2020. O alcalde, Fernando Suárez, valora de xeito positivo a presenza do parque móbil da Deputación de Lugo que está a realizar tarefas de limpeza nas gabias dos camiños municipais nas parroquias do interior e nas da costa. Os traballos prolongaranse por espazo dun mes. Nestes días a maquinaria está traballando en Piñeira.
O rexedor subliñou que “é unha pequena boa noticia, porque sempre son boas noticias cando administracións, que non son o Concello, axudan ao Concello de Ribadeo. Queremos valorar positivamente o que está facendo a Deputación de Lugo co noso Concello. Se ben hai un par de meses estivo o parque de maquinaria axudándonos a reparar camiños tanto das parroquias de costa como de interior durante o prazo dun mes, agora nestes días volve o parque de maquinaria da Deputación de Lugo para facer labores de limpeza nas gabias, nas cunetas e nos camiños municipais tanto nalgunhas parroquias do interior como nalgunhas da costa”.
Suárez Barcia explicou que “teñen un prazo dun mes de tempo. Con ese tempo é imposible ir a todos os camiños de todas as parroquias, pero intentaremos repartir o mellor posible entre as da costa e as do interior. Estes días estamos en Piñeira”.
O alcalde engadiu que “temos un equipo de traballo moi profesional, cunha motoniveladora, cunha pala e cun camión para o transporte da terra que se limpa das gabias, e tres operarios moi bos profesionais traballando. Isto sempre significa unha axuda que despois, aínda que o Concello teña que seguir cos seus plans, cos seus recursos propios e con toda esta licitación de amaño doutros camiños, que outra administración veña aquí botar unha man de maneira xenerosa sempre é de valorar. E é polo que eu estou agradecido do presidente da Deputación de Lugo, que outra vez máis cumprira a petición do Concello de Ribadeo para traer o parque de maquinaria aquí outra vez máis”.
A maquinaria da Deputación realiza tarefas de limpeza nas gabias dos camiños municipais de Ribadeo
Relacionado
-
O PPdeG urxe ao Goberno central medidas de vixilancia permanente ante as interaccións de candorcas con embarcacións no litoral galego
-
A Deputación reforza a cooperación cos concellos e impulsa o tecido empresarial cun investimento de máis de 390.000€
-
O Concello de Xove consolídase como referente en cardioprotección coa adquisición de tres desfibriladores automáticos
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
