Burela, 9 de setembro de 2020. O concelleiro de Turismo, Ramiro Fernández, fixo unha valoración moi positiva do campamento de espeleoloxía que a pasada fin de semana se desenvolveu en Burela e considera que a zona do Cantiño se pode converter nun imán de atracción turística.
O edil burelés contou que “segundo nos contan os responsables, nas prospeccións e nas visitas que fixeron á zona do Cantiño encontraron un montón de covas, nalgunhas viron cousas moi interesantes que non tiñan previsto atopar. Fixeron unha primeira observación de todo o que temos alí, non lles deu tempo a ver todo porque ademais o tempo non acompañou moito para poder facer esas visitas con certa seguridade. Pero van volver facer outra inspección con máis detemento. Téñenas topografiadas e vannos facer un primeiro estudio de todo o que viron alí e presentarano no Concello para explicarnos o que temos nesa zona”.
Ramiro Fernández fixo “unha valoración moi positiva e incluso están falando de facer un parque espeleolóxico dentro dun proxecto que van presentar na Mancomunidade, que estaría englobado coas covas do Rei Cintolo, de Mondoñedo, e as minas da Pontenova. Ese é un proxecto que teñen en mente e desde logo o Concello de Burela vai intentar apostar por estar aí e todo o que se encontrou que poida ser interesante tanto arqueoloxicamente como para visitar imos apostar por el, porque entendemos que é unha zona que ten moitos recursos para poder ser un imán turístico ou incluso de temas sobre xeoloxía para todos os que queiran vir aquí”.
O concelleiro de Turismo engadiu: “estamos moi contentos e moi agradecidos a esta xente que veu aquí facer este campamento. Eles tamén quedaron sorprendidos do que encontraron, van volver revisar toda a zona e seguramente proxectos de futuro alí”.
O Concello fai unha valoración moi positiva do campamento de espeleoloxía que se desenvolveu en Burela e considera que a zona do Cantiño pode converterse nun imán turístico
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
