Lugo, 29 de setembro de 2019. A Deputación de Lugo reclamará á Xunta de Galicia que asuma as labores de desinfección derivadas da pandemia da Covid-19 nos centros educativos porque, segundo o Estatuto de Autonomía, ten as competencias tanto en materia educativa, como sanitaria. Así se decidiu na sesión ordinaria do pleno provincial do mes de setembro celebrada hoxe a través dunha proposta presentada polo Goberno provincial, na que se abstivo o PP.
O Deputado de Cooperación cos Concellos, Xosé María Arias, asegurou que os concellos “están asfixiados por un problema de xestión autonómica, asumen custos de desinfección dos centros de ensino e non teñen medios nin información sobre como proceder”, asegurou. “A Xunta xoga a camuflar as competencias de desinfección nas de limpeza, que son moi diferentes, como se a desinfección específica derivada das necesidades dunha emerxencia sanitaria puidese asimilarse ás tarefas de desinfeccións asociadas á actividade normal dos comedores escolares ou limpeza de aseos”, manifestou o Deputado.
Arias amosou o rexeitamento do Goberno da Deputación pola improvisación, falta de diálogo e a atribución de competencias impropias aos concellos na aplicación do protocolo Covid-19 no ensino. “É necesario que a Xunta de Galicia abra un proceso de diálogo urxente coa comunidade educativa e a FEGAMP co fin de resolver os problemas derivados do protocolo, elaborado de maneira unilateral pola Xunta”. O Pleno tamén instou á administración autonómica a presentar un plan estratéxico sobre como empregar os 93M€ que recibirá do Estado a través do fondo Covid.
Transporte público Portomarín
O Pleno provincial tamén lle deu o visto bo a unha moción de Goberno de urxencia para instar á Xunta de Galicia a que adapte o transporte público aos horarios do alumnado de Secundaria que se viu afectado polo desdobramento das clases en quendas de mañá e tarde para a adaptación aos protocolos anti Covid-19. Están afectados por esta problemática rapaces e rapazas de diversos concellos da comarca de Lugo que teñen como centros de referencia institutos da capital lucense, entre eles, o de Portomarín.
A voceira socialista do Goberno, Pilar García Porto, explicou que é necesario que a Xunta de Galicia “revise de xeito inmediato o impacto social que ten ese horario de tarde nas clases de Secundaria e o trastorno que ocasiona ás familias, e que no caso de que sexa imprescindible ter grupos con clases pola tarde, se analice a residencia dos alumnos e se habiliten as rutas de transporte público necesarias e adaptadas a ese horario que, en definitiva, faciliten o acceso dos estudantes á educación en situación de igualdade con indiferencia do lugar no que vivan”.
García Porto engadiu que o Goberno cre que “é de recibo que se lles dea unha solución axeitada e rápida a esta problemática e neste momento aínda non teñen unha solución oficial”.
Camiño do Mar
Aprobada por unanimidade unha proposta do Grupo Provincial Socialista para solicitarlle á Xunta de Galicia que recoñeza o carácter oficial como ruta Xacobea do coñecido como Camiño do Mar, que discorre polos municipios de Ribadeo, Barreiros, Foz, Burela, Cervo, Xove, Viveiro e O Vicedo, e prosigue polos coruñeses de Mañón, Cariño, Ortigueira, Cedeira, Valdoviño e Narón ata Neda.
A Deputada María Loureiro asegurou que esta “é unha nova mostra de desidia do Goberno autonómico cos municipios da Mariña, porque hai 10 anos que dende a Deputación instamos por unanimidade a que se fixera este recoñecemento e tamén houbo outra iniciativa no Parlamento que se aprobou co apoio de todos os grupos no mesmos sentido. Unha década despois non se fixo nada”. Loureiro engadiu que “este recoñecemento serviría para reactivar a economía dos municipios que está tan afectada logo dunha etapa difícil e que lle permitiría entrar nos fluxos turísticos do Ano Santo”.
Esta oficialización, explicou a Deputada, serviría como unha ferramenta de modernización e dinamización do turismo tanto de pegada nacional como internacional. “É o momento de implicarse coa comarca, sería un xesto moi acaído e necesario para apoiar o turismo e a cultura dos concellos mariñáns, que están atravesando momentos moi difíciles pola Covid-19 e pola situación de Alcoa”, manifestou Loureiro.
Ampliación dos prazos do Plan Único 2019
A Corporación provincial aprobou por unanimidade ampliar os prazos de execución e xustificación do Plan Único 2019. “Queremos entender as necesidades dos concellos, ser comprensivos, e ser realistas coa situación que estamos a vivir, por iso decidimos flexibilizar os prazos para que lles dea tempo a executar e xustificar”, subliñou a voceira socialista do Goberno, Pilar García Porto.
O prazo de execución queda establecido no 31 de outubro do 2020 e o de xustificación no 15 de novembro de 2020.
Cesión de vías provinciais
O Pleno da Deputación tamén lle deu o visto bo á cesión de vías provinciais aos concellos da Pontenova, Xermade, Ribeira de Piquín e Lugo. No caso da Pontenova, pasa a ser de titularidade municipal a estrada LU-P-4805, que une Boulloso con Dodrín e Figueirúa, debido a que comunica estes tres núcleos de poboación da parroquia de Conforto sen continuidade cara outros núcleos, nin comunicando con ningunha outra estrada que non sexa municipal.
En Xermade, a Deputación cede un pequeno treito da LU-P-2209 de Cabreiros a Touza, na intersección coa estrada LU-861. No caso de Ribeira de Piquín, cámbiase a titularidade da vía LU-P-5403, que vai de Santalla a Piquín. E en Lugo, cédense dous treitos dos viais das estradas provinciais LU-P-2902 e LU-P-2924, pois teñen vocación de converterse a curto prazo en estradas de carácter urbano.
Así mesmo, tamén quedou aprobada unha prórroga de catro anos para que o Concello de Lugo execute as obras de desdobramento, urbanización e humanización da Avenida Duquesa de Lugo, froito dun convenio de colaboración entre a institución provincial e este municipio. Acordouse que se fixe como nova data o 30 de decembro do 2024.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
