Burela, 26 de setembro, 2020. Gran estrea de pretempada viviron esta tarde as burelistas revalidando o Memorial José Huerta-Pablo Cortina. O Pescados Rubén impúxose con solvenvia, 2-7, ao Rodiles FSF, de Segunda División, en terras asturianas.
As Guerreiras saltaban á pista de Villaviciosa defendendo o título de 2019 e sen querer deixar nada ao azar fronte á mocidade e ilusión das anfitrioas. Ale de Paz foi unha das primeiras visitantes en avisar sobre a rede asturiana e así adiantou as galegas xa no minuto 3. Bea Mateos estrelouna contra o pau no 6; Peque tampouco puido sorprender no rexeitamento. Volveu tentalo a 7 laranxa sen éxito, no 8, aínda que pouco despois Jenny atopou o segundo desde a banda, que ampliou tres minutos despois Elena Aragón. Jenny aínda dispuxo do cuarto en dobre penalti antes do ecuador, que si conseguiu materializar Leti, asistida precisamente pola portuguesa.
O 0-5 apenas se fixo esperar na continuación, nas zapatillas de Bea Mateos. As anfitrioas, sen case xerar perigo, conseguiron estrear o luminoso no 26, con Candi. Peque, en primeira instancia, e Ale, no rexeitamento, non puideron aproveitar para ampliar a fenda pouco despois. Foron os mellores minutos das locais, que conseguiron o 2-5 antes do 30, nunha falta transformada por Romina, e con novo perigo a balón parado segundos despois con bo despexe mariñán. Seguindo co dominio laranxa, Zaira evitou o sexto, de Lara Balseiro, no 32. Dany non chegou ao balón cruzado de Elena pouco despois. Pero a andaluza non errou no 34, selando cun sombreiro o 2-6 ante unha meta moi adiantada, culminado cunha estrea burelista de triplete, no 35.
Ficha técnica
Rodiles FSF: Jessica, Paula A., Sonia, Romina, Clara, cinco inicial; tamén Laura P., Candi, Isabel, Seila, Carolina, Laura G., Zaira, Nuria, Candela
Pescados Rubén Burela FS: Jozi, Cristina, Cilene, Ale de Paz, Elena Aragón, cinco inicial; tamén xogaron Bea Mateos, Lara Balseiro, Peque, Cami, Jenny, Dany, M. Cortés, Sandra Buzón
Goles: 0-1, minuto 3, Ale dePaz; 0-2, minuto 10, Jenny, 0-3, minuto 13, Elena Aragón; 0-4, minuto 20, Leti; 0-5, minuto 21, Bea Mateos; 1-5, minuto 26, Candi; 2-5, minuto 30, Romina; 2-6, minuto 34, Elena Aragón; 2-7, minuto 35, Elena Aragón.
Árbitros: Gallo Suárez // Fernández Rodríguez
Incidencias: Partido correspondente ao IX Memorial José Huerta-Pablo Cortina disputado no pavillón Manuel Busto de Villaviciosa. A capitá, Peque, recibiu o trofeo de campioas de mans da concelleira de Deportes, Lida Espina.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.