Lugo, 29 de setembro de 2020. O BNG considera que o Pleno provincial puxo de manifesto “a intención do PP de empregar a crise da Covid como pretexto para seguir deteriorando a sanidade e o ensino público”. Así, interpreta a formación nacionalista o posicionamento dos deputados populares ante as mocións debatidas este martes a respecto da situación dos centros de saúde e dos centros educativos.
Os conservadores votaron en contra dunha moción do BNG na que se reclamaba ao goberno galego “a reactivación da atención presencial na Atención Primaria, co persoal e as medidas de prevención dos contaxios precisas para garantir unha atención sanitaria digna á poboación”. Na súa defensa da moción, que saiu adiante co apoio do PSdG, a deputada nacionalista e vicepresidenta da Deputación urxiu á Xunta de Galiza a “atender as demandas dos doentes e do persoal sanitario” e “ retomar as citas presenciais para ofrecer unha atención sanitaria de calidade á poboación”.
Puxo o acento na situación “das persoas de maior idade e que viven soas, que teñen dificultades para acceder a Internet ou para a comunicación por teléfono. A atención directa e presencial nos centros de saúde é fundamental para a calidade de vida destas persoas”.
Ante o argumento do deputado popular Francisco Balado, que se escudou na pandemia para reducir drasticamente a atención presencial nos centros de saúde, Maite Ferreiro pediu aos representantes do Partido Popular na Xunta de Galicia “que asuma ás responsabilidades para as que foron elixidos e xestionen, porque non o están facendo”, reprobou.
Na mesma liña, se pronunciou o voceiro nacionalista Efrén Castro, que defendou unha proposta do goberno provincial para “reclamar que a Xunta de Galicia asuma o custo das labores de desinfección derivadas da pandemia da Covid 19 nos centros educativos”, que tampouco tivo o respaldo dos populares.
“A Xunta non asume ningunha responsabilidade. Limítase a disparar para abaixo. A descargar as responsabilildades nos concellos, nas familias, en quen pase por alí. O que esconde esa retórica é que vostedes non queren investir nin un só euro no ensino público”, sentenciou Castro.
Apoio ás demandas de transporte público das familias da contorna de Lugo
O BNG tamén impulsou como proposta do goberno provincial unha moción para pedir a Xunta de Galiza que ofreza ao alumnado de secundaria do rural un servizo de transporte público compatible cos horarios de tarde que se estableceron nalgúns centros educativos por mor da Covid 19. A deputada Maite Ferreiro pediu ao goberno galego que “poña os servizos precisos para que as rapazas e os rapaces de concellos rurais accedan aos estudos secundarios nas mesmas condicións e coas mesmas garantías que se vivisen nunha vila grande ou nunha cidade”.
O pasado 25 de setembro, a vicepresidenta da Deputación de Lugo e a parlamentaria do BNG, Olalla Rodil, mantiveron un encontro con nais e pais do alumnado de Portomarín que acoden a recibir aulas de Bacharelato ou Formación Profesional á cidade de Lugo, afectados polos cambios organizativos por mor da COVID-19.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
