Burela, 26 de setembro de 2020. As Concellerías de Obras e Servizos e Medio Ambiente veñen de publicar un Bando sobre o mantemento, conservación e limpeza de toda clase de terreos sitos no termo municipal de Burela co obxectivo de que se dea cumprimento ao deber legal e inescusable que teñen os seus propietarios. No que vai de ano o Concello iniciou 62 expedientes polo incumprimento desta norma.
Os responsables das áreas de Obras e Servizos, Ramiro Fernández Rey, e de Medio Ambiente, Toñi Eijo, manifestaron que “de comprobarse polos servizos do Concello de Burela que non se está cumprindo con dito deber, de forma adecuada e coa periodicidade necesaria, procederase a iniciar os preceptivos procedementos de orde de execución co fin de ditar a oportuna resolución que os obrigue a realizar as obras e os traballos que resulten precisos a tal efecto”.
A concelleira de Medio Ambiente en Burela subliñou que “no presente ano 2020 xa se levan iniciado 62 expedientes con dita finalidade, fronte aos 64 iniciados o pasado ano 2019. Compre advertir tamén que, se ben non existe escusa algunha para que os propietarios dean cumprimento a dito deber de forma voluntaria e nos termos expostos, no eventual suposto de que o Concello de Burela teña que ditar a oportuna orde de resolución por mor do seu incumprimento e a pesares diso tampouco dita orde sexa cumprida, iniciarase o preceptivo procedemento de execución forzosa que, no seu caso, podería determinar que esta administración local executase subsidiariamente os traballos e obras ordenados, procedendo ao cobro destes aos propietarios por vía de constrinximento do seu patrimonio”.
Ramiro Fernández dixo que “sen prexuízo do anterior, informar igualmente que o incumprimento do deber de mantemento, conservación e limpeza de toda clase de terreos sitos no termo municipal de Burela e, no seu caso, da eventual orde de execución que sexa ditada para esixir o seu cumprimento, poderá determinar a imposición ás persoas responsables de tal feito dunha sanción en concepto de multa de 300 a 6.000 euros”.
Ambos concelleiros quixeron aclarar que “o cumprimento da obriga da execución do valado e peche de soares, establecida na Ordenanza de Limpeza do Concello de Burela que foi obxecto do Bando municipal publicado o pasado 18 de setembro no Taboleiro de Anuncios do Concello, non exime en ningún caso aos propietarios de cumprir co seu deber legal de mantemento, conservación e limpeza dos mesmos”.
O Concello de Burela iniciou este ano 62 expedientes pola falla de limpeza, conservación e mantemento de toda clase de terreos
Relacionado
-
O PPdeG destaca as iniciativas de emprendemento desde o rural galego que poñen en valor o territorio
-
O PSdeG reclama ao alcalde de Abadín actuacións urxentes no campo de fútbol municipal
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
