Burela, 4 de setembro de 2020. O Concello de Burela poñerá a plena disposición dos usuarios a partires do martes, 8 de setembro de 2020, o servizo municipal de recollida de residuos sólidos urbanos prestado por URBASER así como o punto móbil, a través do cal se vai facilitar o depósito separado de certas fraccións de residuos que non poden ser eliminados co resto dos domésticos, como aceites minerais, aerosois, baterías, pilas, cartuchos de tinta de impresoras, pinturas, disolventes, plásticos e PVC, radiografías, RAEE’s, medicamentos, entre outros.
Os concelleiros de Servizos e Obras e Medio Ambiente, Ramiro Fernández e Toñi Eijo, explican que “o servizo de punto limpo móbil prestarase de forma itinerante todos os martes e venres nas seguintes zonas do termo municipal: (i) Rúa do Vilar (1º martes de cada mes); (ii) Rúa do Barridal (2º martes de cada mes); (iii) Rúa da Casilla (3º martes de cada mes); (iv) O Cantiño (4º martes de cada mes); (v) Rúa Vilaestrofe (2º venres de cada mes); e (vi) Praza do Concello (os restantes venres do mes, e o 5º martes de cada mes que teña cinco semanas). Sen prexuízo do anterior, á vista da evolución que vaia tendo a prestación do devandito servizo, así como das necesidades das persoas usuarias, o Concello de Burela valorará a posibilidade de modificar as zonas e a periodicidade do mesmo”.
Eijo indicou que “tamén é preciso por de manifesto que actualmente, desde o Servizo de Medio Ambiente estase a facer un seguimento e control exhaustivo do depósito incontrolado e ilegal de enseres, mobles e voluminosos domésticos nas vías públicas do municipio, e todo ilo aos efectos de valorar as eventuais actuacións a realizar polo Concello de Burela para evitar tan grave e danosa acción tanto para o medio ambiente, como para a seguridade e a integridade das persoas”. E engadiu que “sen prexuízo das eventuais conclusións que se vaian acadar con estas actuacións de control por parte do referido servizo e das sancións que podan ser impostas ás persoas responsables de tan incívica e irresponsable conduta, debe recordarse que a recollida de enseres, mobles e voluminosos domésticos por parte da empresa adxudicataria do servizo municipal de recollida de residuos sólidos urbanos, ten lugar de luns a venres das 8 ás 11:15 horas da mañá, debendo as persoas interesadas en recibir dito servizo de forma adecuada e legal, chamar ao número de teléfono 626 763 142, con anterioridade a que estes sexan depositados na vía pública”.
Ramiro Fernández e Toñi Eijo lembraron que “os comercios e empresas do sector detallista e outras actividades do sector servizos (hostalaría e restauración, entidades financeiras, etc.), teñen á súa disposición o servizo de recollida do papel-cartón xerado nos mesmos, que é prestado de luns a sábado, podendo informarse sobre o seu funcionamento ou manifestar calquera incidencia ao respecto da súa prestación no devandito número de teléfono 626 763 142”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
