Viveiro, 12 de setembro de 2020. O Concello de Viveiro, a través da Concellaría de Turismo, leva tempo traballando para dinamizar e promocionar o Camiño do Mar, co obxectivo de conseguir a súa oficialización, ao entender que esta declaración e o recoñecemento desta ruta suporía un novo recurso turístico e cultural para este concello.
Esta foi unha das primeiras propostas de traballo presentada pola actual concelleira de Turismo, Marisol Rey, que dende o primeiro momento ao cargo desta área, iniciou a búsqueda de información e contactou con outras entidades ou persoas que puideran coñecer do tema e contribuir para este fin.
Nestes últimos anos o concello mantivo varias reunións co xerente do Xacobeo para tratar sobre este asunto; temos solicitada unha nova xuntanza e agora, tendo en conta os cambios na organización do goberno galego, tamén remitirá unha carta ao Vicepresidente Alfonso Rueda, como Conselleiro de Turismo, para plantexarlle esta iniciativa que consideramos fundamental para Viveiro e a comarca.
“Cremos, ademais, que Viveiro debe ser dos poucos concellos, se non é o único, que na súa web oficial de turismo inclúe un apartado concreto dedicado ao Camiño do Mar; ademais, na oficina de turismo estamos recibindo bastantes peticións de información de xente que se interesa sobre esta ruta e isto é, sen lugar a dúbidas, un bo sinal para continuar traballando nesta liña”, afirma a alcaldesa, María Loureiro.
O concello ten constancia de que a Mancomunidade de Municipios da Mariña tamén ten intención de contribuír nesta iniciativa, colaborando na difusión e promoción deste trazado viario de peregrinación na costa norte galega, coñecido como o Camiño do Mar e que cumpre con todas as condicións necesarias para converterse nun camiño de peregrinación.
Este concello está volcado con todos os proxectos que teñan que ver co Xacobeo e, neste caso, non só se apoia e está poñendo en valor o Camiño do Mar, senón que ao mesmo tempo, como é sabido, participa e forma parte do proxecto da ruta marítima ‘Navega el Camino’, que conta co apoio de Viveiro dende a súa primeira edición.
O Concello de Viveiro, aparte de defender o Camiño do Mar, é colaborador deste outro proxecto e de aí a súa implicación en defender as vías xacobeas, non soamente a que discorre por terra, que está sumamente documentada, senón tamén esta ruta xacobea que vai polo mar.
Finalmente, o goberno municipal seguirá insistindo, asesorándose e realizando accións promocionais do Camiño do Mar, co obxectivo final de conseguir a oficialización desta ruta, sobre a que o Parlamento de Galicia xa se pronunciou e que agora está en mans da Xunta de Galicia, tendo en conta que é a Dirección Xeral de Patrimonio Cultural a encargada de desenvolver os trámites e xestións encamiñadas á oficializar os Camiños de Santiago en Galicia, previo estudo histórico. O concello leva moitos anos interesándose por este tema e continuará na mesma liña para que este proxecto do Camiño do Mar chegue ao seu fin.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
