Viveiro, 4 de setembro de 2020. O Concello de Viveiro incluirá na orde do día do próximo pleno municipal a proposta de aprobación inicial do Plan Municipal de Prevención e Defensa contra os Incendios Forestais.
Tras a súa aprobación inicial, deberá someterse ao trámite de información pública polo prazo de 30 días hábiles para que as persoas que o desexen poidan formular as correspondentes alegacións, observacións e suxestións.
O Plan Municipal de Prevención e Defensa contra os Incendios Forestais do Concello de Viveiro foi elaborado pola empresa Seaga (Empresa pública de Servicios Agrarios), en virtude da adhesión deste concello, formalizada en xullo de 2019, ao convenio de colaboración subscrito entre a Xunta de Galicia, a Fegamp e Seaga en materia de prevención e defensa contra incendios forestais, para o establecemento dun sistema público de xestión de biomasa nas faixas secundarias.
Este plan, que conta co informe preceptivo e vinculante emitido pola Dirección Xeral de Defensa do Monte, define as redes de faixas secundarias de acordo co artigo 21 da Lei 3/2007, de 9 de abril, de prevención e defensa contra os incendios forestais de Galicia, incluíndo os planos coa rede secundaria de faixas de xestión de biomasa perimetral ao solo urbanos, núcleo rural e urbanizable, e a relación de parcelas afectadas.
Á aprobación deste plan únese as xestións e tramitacións que por parte do Concello de Viveiro se veñen realizando para a prevención e defensa contra incendios forestais, entre as que se inclúen os bandos publicados lembrando aos propietarios a obriga de proceder á execución da xestión da biomasa no ámbito das redes de faixas de xestión de biomasa, incluída, de ser o caso, a retirada de especies arbóreas, antes de que remate o mes de maio de cada ano; os expedientes tramitados polo concello na súa obriga de vixiar e impoñer o cumprimento forzoso de que se xestione esa biomasa, que ascende, dende 2018, ao centenar de expedientes, e todas as comprobacións realizadas ao respecto polos vixiantes de urbanismo e medio ambiente.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).