Cervo, 3 de setembro de 2020. O Concello de Cervo, a través das delegacións de Xuventude e Educación, xa ten en marcha a cuarta edición do programa “Cervo ao Carón do Voluntariado”, dirixido á mocidade de entre 14 e 30 anos, no que participan 6 rapaces do municipio.
O obxectivo xeral deste proxecto de voluntariado xuvenil é poñer en práctica a implicación solidaria e o compromiso activo da comunidade moza coa sociedade, a través do desenvolvemento cultural e social.
Esta mesma mañá, a rapazada, acompañada das edís de Servizos Sociais, Pilar Armada, de Xuventude, Denís Galán e de Educación, Dolores García Caramés, desenvolveu unha das actividades incluídas no programa: a instalación dun Punto Lila de concienciación apoio e información sobre a violencia de xénero; para incidir na sensibilización e na implicación da sociedade ante esta lacra.
No posto repartiron chapas, broches e chaveiros artesanais individuais elaborados polos propios integrantes do grupo de voluntariado, que levaban impreso o teléfono gratuíto 016 (servizo telefónico de información e atención a vítimas de malos tratos por violencia de xénero).
Entre as actividades que se levarán a cabo nas vindeiras xornadas, e que se suman ás desenvolvidas xa no mes de agosto, está a de brindar apoio tamén nas Xornadas Medioambientais que se irán desenvolvendo desde esta área municipal ou un obradoiro específico de creación de xogos, actividades e outras dinámicas dirixidas ás diferentes franxas de idade.
Tal e como explican as edís responsables da acción, cremos que o voluntariado proporciona unha educación en valores como a xustiza, a igualdade e o respecto e permite á mocidade coñecer e participar en actividades de interese xeral coa sociedade civil, axudando á transformación social e xerando redes de solidariedade. Todo isto ademais de potenciar o enriquecemento persoal, vailles axudar a consecución duns obxectivos concretos que teñen que ver coa adquisición de habilidades, competencias e destrezas que poden axudar a mellorar tamén a súa empregabilidade; ao tempo que fan unha labor sociocultural de gran valor para o conxunto da sociedade.
O Concello ten en marcha unha nova edición do programa Cervo ao carón do Voluntariado
Relacionado
-
Portos de Galicia completa a tramitación das solicitudes de reversión de terreos en 25 concellos e agarda resposta do Estado
-
O PP cre que os cambios de ideas da alcaldesa sobre a estación de autobuses evidencian que “non ten proxecto serio para Vilalba”
-
Os residentes da Rúa da Fonte de Mondoñedo piden alternativas ao cambio de nome e propoñen outras formas de homenaxear a Xosé Vizoso
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
