Burela, 25 de setembro, 2020. Esta fin de semana terminan as xornadas gastronómicas “Orixe & Destino Galicia”, unha campaña da Organización de Produtores Pesqueiros de Lugo e Paradores que tivo lugar durante as últimas dez semanas nos restaurantes da rede de Paradores de Turismo de España ubicados nas distintas rutas do Camiño de Santiago.
O Parador Hostal dos Reis Católicos, na Praza do Obradoiro de Santiago de Compostela, acolle ata o domingo 27 de setembro a derradeira etapa do camiño coa súa receita de “Pescada do Pincho de Burela en sidra e mazá en texturas”.
“Orixe & Destino Galicia” é unha campaña de promoción de OPP Lugo e Paradores que combina a gastronomía, a calidad do produto pesqueiro de Burela e a importancia da Orixe e Destino Galicia; na que dúas das principais especies da lonxa ABSA de Burela, o Bonito e a Pescada de Burela, foron percorrendo as distintas rutas cara Santiago.
Este Camiño Gastronómico, con orixe e destino en Compostela, tivo lugar durante as últimas dez semanas nos restaurantes da rede de Paradores de Turismo de España ubicados nas diferentes rutas do Camiño de Santiago: o Camiño Mozárabe (Parador de Granada, Andalucía); a Vía da Prata (Parador de Mérida, Extremadura); o Camiño de Madrid (Parador de La Granja, Segovia, Castela e León); o Camiño Norte (Parador de Santillana del Mar, Cantabria; e Parador de Cangas de Onís, Asturias); o Camiño Francés (Parador de Villafranca del Bierzo, Castela e León; e Parador de Olite, Navarra); e o Camiño de Fisterra (Parador Costa da Morte, Muxía, A Coruña).
Agora, xa de volta en Santiago de Compostela, destino de millóns de peregrinos, a Pescada do Pincho de Burela esta fin de semana será a protagonista gastronómica nun dos hoteis máis luxosos e belos da rede de Paradores: coñecido como Hostal dos Reis Católicos, o Parador de Santiago mistura historia, arte e tradición, e ubícase na Praza do Obradoiro formando coa catedral un ángulo de espectacular beleza nunha das capitais máis visitadas do mundo.
A Orixe & Destino perfectos para pechar a segunda edición desta campaña de promoción na que o “Peixe de Burela” percorreu os fogóns de nove Paradores ubicados en sete comunidades autónomas diferentes: Navarra, Cantabria, Castela e León, Andalucía, Extremadura, Asturias e Galicia.
Esta acción enmárcase dentro das accións de promoción de OPP Lugo incluídas no seu Plan de Produción e Comercialización anual e contan coa cofinanciación da Xunta de Galicia e o Fondo Europeo e Marítimo da Pesca.
O “Peixe de Burela” completa as súas Rutas Xacobeas Gastronómicas
Relacionado
-
A FCAM mantén ata o 30 de setembro a campaña Volta ao Cole con 500 euros en vales de compra
-
O Concello de Burela pide rigor ao PP e lembra que a licitación do SAF segue en tramitación
-
Medio Rural reafirma a súa aposta pola conservación e impulso das razas autóctonas na Feira de Gando de Augaxosa en Riotorto
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
