Viveiro, a 18 de setembro de 2020. A Administración pública ten a obriga de velar pola conservación do patrimonio histórico-cultural e xestionalo da maneira que resulte máis útil para os administrados. Desde este convencemento, os concelleiros do PP de Viveiro defenderán na próxima sesión plenaria unha moción para que o goberno local faga as xestións precisas coa orde relixiosa titular do mosteiro de Nosa Señora de Valdeflores para conseguir a cesión deste edificio ao concello.
Os concelleiros populares destacan que “o mosteiro de Nuestra Señora de Valdeflores é un conxunto que representa un gran valor histórico patrimonial e arquitectónico para Viveiro”. Recordan que este conxunto “está protexido como Monumento Nacional”.
O grupo que ten por portavoz a Óscar Rodríguez sinala: “A súa fundación remóntase ao século XV e o edificio do mosteiro é de finais do XVII. Parece que consta que a súa realización foi feita con doazóns do pobo de Viveiro”. Engade: “Lamentablemente, en xuño de 2018 foi abandonado pola Orden Dominica (actual propietaria) e todo apunta a que dita Orde non se propón reiniciar a súa actividade en dito Mosteiro”. Ademais, “despois das riadas de novembro en Xunqueira vese especialmente danada a planta baixa, onde estaban os obradoiros e a residencia, con máis de 20 habitacións; as plantas 1 e 2 están en bo estado”.
Os edís populares destacan que “ tras a última rehabilitación conta cun tellado en moi boas condicións”. Sinalan que dende dita riada só a directiva da Confraría vela pola súa integridade, sabedores do perigo que esta situación supón para un recinto repleto de bens culturais, documentais, mobiliarios e artísticos.
No PP avisan de que “un inmoble deshabitado e sen función algunha acaba por deteriorarse completamente”; din que o Concello non pode deixar que un edificio así se encamiñe á ruína. Destacan os moitos servizos que este edificio podería prestar ao concello.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
