Xermade, a 12 de setembro de 2020. O voceiro do Grupo Municipal do PP de Xermade, Antonio Riveira, considera que “o feito de que os propietarios de cuadras, palleiras e almacéns situados en solo rústico teñan que pagar máis que os dos situados en núcleo rural demostra un trato discriminatorio para estes veciños de Xermade que, ademais, son os que viven en poboacións máis illadas”. Así o recorda ante o anuncio, a través dun bando da alcaldía, do inicio do período de cobro do Impostos de Bens Inmobles (IBI).
Os populares levan varios anos defendendo a unificación dos criterios de bonificación entre as edificacións de uso agrogandeiro e do sector primario en solo de núcleo rural e as situadas en solo rústico. A este respecto, volven reiterarlle ao goberno local a súa petición para a elaboración e aprobación dunha modificación da ordenanza municipal do IBI tal e como se acordara no pleno do 14 de abril do 2016.
Nese momento, fora aprobada a proposta do Grupo Municipal Popular que recollía a bonificación da cota íntegra do IBI para as edificacións de uso agrogandeiro e do sector primario en solo rústico igual que se estaba facendo no solo de núcleo rural; pero “nunca se levou a cabo a redacción desta ordenanza a pesar de térllelo recordado nos anos seguintes. O goberno local está a incumprir ese acordo do pleno”, critica Riveira.
O voceiro popular engade que “este non é o único incumprimento por parte do goberno local de Xermade” porque “tamén está a incumprir a regra de gasto do exercicio 2019”. É dicir, “gastaron máis do que recollía o orzamento municipal para esa anualidade”.
Concretamente, “pasáronse en máis de 150.000 euros dos que preto de 88.000 euros son para que o Concello abone os gastos do salario do alcalde dado que ese acordo plenario foi anulado por vía xudicial”. Así mesmo, os reparos formulados por intervención en materia de gasto en relación á aprobación das contas do ano 2019 sumaron 513.000 euros”. O popular critica este proceder do rexedor socialista que, mentres, “castiga a amplos sectores da poboación do concello de Xermade con impostos desproporcionados”, lamenta.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
