Lugo, a 02 de outubro de 2020. A non concesión polo Goberno central, presidido polo socialista Pedro Sánchez, da parte de aportación que lle correspondía para o Plan de Sostenibilidade Turística de A Mariña, cuxo máximo representante e o tamén socialista Francisco Cajoto, alcalde de Foz, levanta unha verdadeira tormenta política nesta comarca lucense. O portavoz municipal do PP en Foz, Javier Castiñeira, tamén portavoz provincial do partido, sinala: “Dende o Partido Popular de Foz entendemos que os acontecementos destes últimos días poñen de manifesto que o señor Cajoto contaxia a súa parsimonia na xestión á Mancomunidade da Mariña. Os problemas internos do alcalde de Foz co seu equipo, as conseguintes dimisións, os cambios que está a realizar no seu goberno e a inestabilidade absoluta que temos no Concello de Foz trasládase á Mancomunidade de Municipios; está demostrando non saber xestionar ningunha das dúas entidades”. En síntese, o portavoz popular di que “os problemas de Cajoto en Foz págaos A Mariña no seu conxunto coa perda do Plan de sostenibilidade turística”.
Castiñeira considera que “neste caso o exemplo do que dicimos é a perda da subvención no Plan de Sostenibilidade Turística, que o Estado vén de denegar á Mariña lucense un día despois de que o propio Cajoto anunciase, con exceso de optimismo como agora se comproba, que confiaba en ter esas axudas. E todo iso despois de varios meses solicitando un plan de activación turística despois do brote de covid na Mariña”.
No Partido Popular entenden “que o señor Cajoto non está en condicións de presidir nin a Mancomunidade nin o Concello”. Castiñeira di: “Cremos que abarcou demasiado cando sen experiencia nin equipo nin proxecto se decidiu a presidir as dúas entidades; está prexudicando seriamente aos veciños de Foz, en particular, e aos da Mariña en xeral”.
Para o portavoz popular, “o señor Cajoto non foi perseverante no seguimento desta subvención, que era importantísima, de maneira que outros se lle anticiparon, como é o caso da ribeira Sacra”. Castiñeira destaca que “a Xunta de Galicia mostrou o seu máximo apoio, e de feito tiña a parte de financiamento que lle correspondería apartada para no caso de que o Estado concedera a súa parte poñer en marcha o plan”. Engade: “O presidente da Mancomunidade e alcalde de Foz ten que recoñecer a súa deficiente xestión e non botar a culpa a ninguén. O compromiso da Xunta era igual para todas as opcións. A pouca axilidade, a parsimonia na xestión, levouno a perder esa subvención tan importante para os intereses da Mariña e de Foz”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
