Mondoñedo, a 02 de outubro de 2020. O goberno municipal de Mondoñedo desenvolve a súa folla de ruta para a recuperación dos valores patrimoniais do municipio, que, en moitos casos, constitúen atractivos para os visitantes. Nesa liña prepara a recuperación da Fonte Vella, co fin de crear un novo recurso turístico. Para conseguir este obxectivo, o Concello de Mondoñedo levará a cabo unha serie de traballos para conservar e mellorar a integridade física e estética da fonte, degradada polo paso dos anos. No seu interior constituirase o museo sobre as traídas de auga de Mondoñedo dende o século XVIII ata a actualidade. O presuposto ascende a 36.406,96 euros, dos que, vía subvención, a Axencia de Turismo de Galicia aportará 23.664,52 euros, dentro dun convenio de colaboración co Concello nun Proxecto de Mellora de Infraestruturas Turísticas 2020; o resto corre por conta do Concello.
As actuacións que se pretenden executar incidirán especialmente na rehabilitación das cubertas situadas na parte posterior da fonte, co obxecto de anular as actuais patoloxías existentes, que dan lugar a filtracións na galería abovedada inferior. Este habitáculo inferior, que será igualmente obxecto de recuperación, alberga diferentes conducións de auga, as cales no pasado se utilizaban como tomas da propia fonte. Consérvase, a día de hoxe, segundo a forma orixinal que xa aparecía nos planos dun expediente de 1913.
Na rehabilitación das cubertas, os traballos de limpeza serán selectivos e prudentes, respectando en todo momento a configuración actual das lousas da cuberta e colocando novos canalóns e baixantes ocultos de zinc. Ademais, procederase á reposición doutros elementos deteriorados, tales como cancelas, portas e reixas, para os que se utilizarán materiais que se integren no entorno e sexan respectuosos co ben.
En canto á musealización é de destacar que neste ámbito exporanse unha serie de paneis retroiluminados na que se resaltarán temas xerais como o da importancia da auga para as nosas vidas e para o asentamento de poboacións. Haberá restos das antigas canalizacións da cidade, de diferentes séculos, con explicacións e mapas que ilustren os percorridos. Reproduciranse algúns documentos importantes que se atopan no Arquivo Histórico da vila como complemento das explicacións en paneis e realizaranse varias imaxes en gran formato sobre elementos representativos da contorna.
A Fonte Vella, integrada no Conxunto Histórico da Cidade de Mondoñedo, está declarada Ben de Interese Cultural, cun grado de protección excepcional, segundo a resolución do 26 de febreiro 2020 da Dirección Xeral de Patrimonio Cultural. Está situada nas inmediacións da Catedral, ao pé do Camiño Norte a Santiago e foi o principal abastecemento de auga á cidade ata comezos do século XX.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
