Viveiro, 14 de outubro, 2020. Afundación, a Obra Social de ABANCA, comeza no seu Espazo +60 Viveiro (Travesa da Mariña, 49) a actividade e servizos profesionais habituais, que se realizarán adaptados á situación actual baixo un estrito protocolo sanitario. Pódense consultar nesta ligazón á web.
Para levar a cabo a reactivación da actividade ordinaria foi prioritario a creación de Espazos +60 seguros mediante a implantación dunha serie de medidas: reduciuse o número de participantes por actividade e aula; reorganizáronse os horarios e as zonas de entrada e saída dos centros; a ventilación frecuente estará garantida en todos os espazos e aulas entre unha actividade e outra; suprímese temporalmente a realización de actividades que supoñan compartir materiais, o servizo de prensa e revistas en formato papel e os xogos de mesa; o servizo de cafetería permanecerá pechado; e será obrigatorio manter en todo momento a distancia de seguridade recomendada. Ademais, prohíbese a entrada a aquelas persoas que presenten síntomas compatibles coa COVID-19; a quen tivese contacto cunha persoa contaxiada nos últimos 14 días; e ás persoas que viaxasen a zonas de risco nas últimas dúas semanas.
Afundación decidiu pechar os espazos +60 o pasado mes de marzo, pero a súa actividade nunca se detivo, xa que os integrantes da Área de Envellecemento Activo continuaron traballando. Durante o confinamento puxeron en marcha medidas de acompañamento telemático ás persoas socias, e no período de desescalada realizaron un traballo de redeseño e adaptación da súa actividade habitual ás novas circunstancias sanitarias, contando para iso coas opinións dos seus usuarios. Así, mediante unha enquisa, puideron coñecer a predisposición dos seus socios e socias a participar en actividades de tipo presencial e online para adecuar a oferta ás súas preferencias. A maioría, un 83% das persoas entrevistadas, mostráronse dispostas a continuar coas actividades presenciais. Doutra banda, un 16% mostráronse dubitativas ou afirmaron que non participarían neste tipo de actividades. Cabe destacar tamén que, a pesar de tratarse dun perfil de usuario maioritariamente dixitalizado (o 80% das persoas da mostra conectáranse a Internet todas as semanas ou diariamente no último mes), o 86% das persoas enquisadas prefiren actividades totalmente presenciais ou con algún contido puntual de forma online.
Os resultados esgrimidos son unha mostra clara da importancia dos Espazos +60 de Afundación como espazo de convivencia no que as actividades que se imparten xeran o contexto ideal para que os socios e socias establezan relacións sociais, nun ambiente de cordialidade, afecto e amizade. As persoas maiores, un grupo vulnerable por idade aos efectos da COVID-19, son tamén vulnerables ás consecuencias negativas da inactividade da diminución de relacións e perda de roles. A actividade dos espazos +60 Afundación minimiza os impactos que o illamento provoca na saúde física, psicolóxica, mental e emocional das persoas maiores.
Comezan as actividades no Espazo +60 Afundación Viveiro
Relacionado
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
