Burela, 1 de outubro, 2020. O presidente do Pescados Rubén Burela FS, Manuel Blanco Fanego, reuniuse esta mañá coas capitás do equipo laranxa de Primeira, Peque e Bea Mateos, na renovación do Convenio Colectivo de Xogadoras Profesionais, pioneiro non só no fútbol sala feminino senón tamén no deporte feminino en España.
Case dous anos pasaron desde aquel 18 de decembro de 2018 no que directiva do Pescados Rubén e cadro, xunto á Asociación de Xogadoras de Fútbol Sala Feminino, formalizaban un acordo que marcaba un antes e un despois na igualdade e o profesionalismo do fútbol sala, dando a volta a toda España. “Sempre fomos un club que demostrou a igualdade con feitos. A sinatura do convenio foi un momento moi importante, reforzando todo o traballo e implicación de anos, pero o noso labor neste sentido non cesou. Toda a sociedade ten un camiño moi longo por diante” reflexionaba o presidente, xunto a Peque e Bea Mateos, dúas das protagonistas daquel momento.
“Estes dous anos foron un paso cara adiante para a nosa profesionalización e o noso deporte. O Pescados Rubén xa era un club que evolucionaba moito cada ano, pero o convenio foi unha forma de darlle unha gran visibilizacion a todo ese labor. Nós xa tiñamos unhas condicións que podiamos considerar privilexiadas pero con isto aínda máis. Oxalá moitos equipos tomen exemplo e sigan estes pasos” explicaba a 14 burelista, coincidindo con Peque, que incidiu na tranquilidade e seguridade coa que pode traballar o equipo: “Deportivamente falando conseguimos a regularidade de éxitos e títulos que se merecía. Estamos a manter un bloque compacto e temos un grupo consolidado. Toda a seguridade que nos ofrece o convenio fainos centrarnos soamente no 40×20, que é o noso traballo. Vivímolo a tempada pasada, co Covid; o club demostrounos que estamos nun entidade onde se coida ás xogadoras, que mira polo noso benestar laboral”.
“Cada vez somos máis as xogadoras que cotizamos, cada vez son máis os clubs que dan pasos en profesionalización. É importante que os clubs demostren que queren facer medrar este deporte. Quizais os pasos deberían ser máis rápidos pero hai avances” valoraban así as xogadoras a situación actual de fútbol sala en igualdade.
Dereitos blindados
Despois de meses de negociacións entre o club, as xogadoras e a AJFSF, o Convenio de Xogadoras Profesionais fíxose realidade a finais de 2018 contemplando aspectos como a renovación automática en caso de embarazo, compromiso de vacacións en datas sinaladas, dereito a 10 días de Asuntos Propios por coidado de fillos ou maiores, axudas para conciliación familiar (garderías, axuda de libros de texto…), salario mínimo de 900 euros, con subida do 2% anual, o club compartirá dereitos de imaxe coas xogadoras e seguros de accidentes e invalidez.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
