Lugo, a 26 de outubro de 2020. O Grupo Provincial do PP agarda que tódolos Grupo da Deputación apoien mañá no pleno a moción presentada polos populares para que “o Goberno do Estado, concretamente ao Ministerio de Hacienda, devolva os case que 4 millóns de euros que lle corresponden á Deputación de Lugo en concepto de liquidación do IVE do 2017”.
O voceiro popular, Javier Castiñeira, sinala que “nese ano, no 2017, o Goberno do PP implantou un novo sistema de xestión informatizada do IVE baseado no Suministro Inmediato de Información (SII) que permitiu un dobre beneficio: por un lado, facilitar a tramitación do IVE ás empresas e, por outro, que se recuperaran máis rapidamente os importes correspondentes ás declaracións deste imposto”. Este sistema provocou un desprazamento de ingresos do ano 2017 ao ano 2018 tanto na liquidación da participación de tributos do Estado coma na propia do IVE de case 4 millóns de euros “que son os que lle debe o Ministerio de Hacienda á Deputación de Lugo”.
Reclamacións da Xunta, FEGAMP e FEMP
Tanto o Goberno galego coma a FEGAMP ou a FEMP teñen reclamado unha solución en varias ocasións ao Ministerio de Hacienda e agora os deputados do Partido Popular na Deputación de Lugo súmanse a esta demanda para a que agardan “un apoio unánime na institución provincial co obxectivo de recuperar uns cartos que virían moi ben para esta anualidade para dar liquidez nun momento tan complexo”.
“Estes cartos son de tódolos lucenses e, polo tanto, deben estar na provincia e en tódolos concellos porque a casuística é mesma para todos os concellos da provincia de Lugo”, apunta Castiñeira.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
