Viveiro, 23 de outubro de 2020. Nunha das entradas de Celeiro, hai unha vía urbana, á que algúns chaman Os Espiñeiros, no entorno de Lavandeiras e con entronque coa rúa Ramón Canosa, cerca da Casa do Mar, que está sen pavimentar, a pesar de que dá acceso a garaxes e a unha escola de mergullo. Segundo o Catastro, é solo de dominio público marítimo terrestre; é dicir, non é do Concello. Á vista do mal estado desta vía e das molestias que iso supón para os veciños máis directamente afectados, en particular, e, en xeral para todos os que teñen que circular por ela, o grupo municipal do PP presentará un rogo na próxima sesión plenaria, para que o goberno municipal faga as xestións necesarias co titular do terreo para a pavimentación nas debidas condicións.
Os concelleiros populares Óscar Rodríguez e José Soto comprobaron in situ o mal estado en que se atopa o firme desta rúa sen acabar de urbanizar, ou, polo menos, sen asfaltar. Ten gran número de fochancas, algunhas delas de gran tamaño que cando chove se converten en verdadeiros lagos. O mal estado do firme fai que sexa incómoda a circulación rodada, pero moito máis a peonil, dado que os camiñantes teñen que pisar moitas pozas e, cando pasa un coche, con frecuencia sofren salpicaduras.
O portavoz popular, Óscar Rodríguez, di que, comprobado que a rúa non pertence ao Concello, queren que dende a institución municipal se leven a cabo as xestións necesarias co organismo do que dependa a vía para demandar a súa reparación. Tamén consideran admisibles fórmulas de colaboración interinstitucional, polas que, de chegar a un acordo, sexa o propio Concello o que asuma directamente as obras.
Rodríguez di que, en todo caso, non é admisible que esta vía se atope sen urbanizar, polo menos sen pavimentar debidamente, xa que está nunha zona urbana, nunha das entradas de Celeiro, unha localidade que cada ano recibe un gran número de visitantes.
Internet en Celeiro
Por outra parte, os concelleiros populares presentan un rogo para corrixir o déficit que sofren os veciños de Celeiro en canto ao servizo de Internet. Os populares queren que por parte do equipo de goberno do Concello se realicen as xestións necesarias coas empresas que están a instalar fibra óptica na zona, para que os veciños poidan dispoñer dun servizo de calidade. Destacan que Internet é unha ferramenta indispensable non só para a comunicación senón tamén para realizar estudos e traballos profesionais e resulta lamentable que este servizo non chegue con garantías ao centro dun núcleo urbano.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
