Somos outra vez vítimas da política de asesores 2.0, que se inspiran nas series americanas de politiqueo. Quero pensar que isto é así, porque a opción de planear esta reforma da elección do Consello do Poder Xudicial en serio é cando menos preocupante, cando non un atentado á democracia.
Esta triste maroma política, de tentar premer cunha ameaza, para que o contrario mova ficha é unha xogada arriscada si de por medio perdes a credibilidade política a nivel europeo e ademais o contrario non gaña nada por entrar ao xogo, o farol saíu de todo mal, porque non tiña sentido. Algún rotativo europeo viña a titular “pouco nivel político dos lideres en España” moi acertado titular dende a miña opinión.
Porén este titular non é solo aplicado a unha banda do arco parlamentar, é xenérico e amplo, os debates no Congreso son cada vez máis malos e mais infantís sen afondar na política e buscando o xesto e a galería, agás os portavoces das formacións con máis tradición democrática coma o PNV ou ERC, gusten ou non gusten os seus argumentos, están a anos luz do resto. O nivel esperado é moi baixo como ben marca o rotativo francés.
Tanta culpa do esperpento feito, teñen o PSOE e UP coma o PP, que por interese propio do seu longo camiño xudicial, condenas incluídas, non lle convén cambiar un órgano democrático caduco dende 2018 en clara rebeldía coa Constitución Española que tanto defenden, parece cada vez máis claro que a lectura e respecto á CE vai por barrios ou é moi selectiva.
Mais abrir esta espita de reforma pode ser, ou debe ser unha oportunidade de dar un paso na construción dun Estado máis moderno e democrático, con estándares europeos. Porque non se propón unha reforma da elección que camiñe a unha menor politización da xustiza? Digo menor, porque pensar nunha xustiza sen peso político tampouco sería real. Existen modelos dos que podemos coller o mellor, desde a elección entre os xuíces á elección directa pola cidadanía, calquera opción é mellor que a actual e tamén é mellor que a de que sexa un parlamento por maioría simple sexa da cor que sexa.
Os xogos das maiorías é perigoso se non se teñen, e hoxe o PSOE e UP non son quen de facer esta reforma eles soíños.
Piñeiro Docampo
Sº XERAL DE CxG
MEMBRO DO CONSELLO DO PARTIDO DEMÓCRATA EUROPEO
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
