Lugo, 27 de novembro de 2020. A subdelegada do Goberno, Isabel Rodríguez, entregou hoxe á alcaldesa de Lugo, Lara Méndez, e ao deputado provincial de Promoción Económica e Social, Pablo Rivera, 50.000 mascarillas que o Goberno fai chegar desta volta aos concellos da provincia de Lugo.
A subdelegada destacou que “nesta nova campaña de distribución de mascarillas que leva a cabo o Goberno, a quinta desde o comezo da pandemia do coronavirus, entregamos 50.000 unidades aos concellos da provincia de Lugo e a semana que vén completaremos a campaña coa entrega doutro lote a Cruz Vermella, Cáritas e Cermi”.
Isabel Rodríguez remarcou que “as mascarillas son un elemento fundamental para a nosa protección”, polo que advertiu “a todos os lucenses da necesidade de que fagan un uso correcto deste elemento de protección, para coidar da nosa saúde e a dos outros, e pídolles, unha vez máis, que non baixen a garda e que respecten todas as normas sanitarias dispostas polas autoridades competentes”.
Rodríguez lembrou que “antes desta campaña de distribución de mascarillas a concellos e entidades sociais da provincia, fixemos outros catro repartos nos meses de abril, maio, xuño e setembro. Coas que entregamos hoxe son xa 358.500 as unidades sanitarias que levamos repartidas na provincia a concellos, entidades sociais e outros colectivos como traballadores, taxistas, usuarios do transporte público, pequenos empresarios, autónomos ou persoal das residencias de maiores”.
CONCELLO E DEPUTACIÓN
A subdelegada entregoulle este venres un lote de 15.000 mascarillas á acaldesa de Lugo e as restantes 35.000 recolleunas o deputado provincial, xa que a Deputación é a institución que se fai cargo do operativo de distribución entre os concellos da provincial con poboación inferior a 20.000 habitantes, tal e como acordaron o Goberno e a Federación Española de Municipios e Provincias.
15 MILLÓNS PARA TODA ESPAÑA
As mascarillas para os concellos forman parte dunha nova campaña de reparto deste tipo de material sanitario, que se completará a semana que vén coa entrega doutro lote a entidades sociais. En total, o Goberno distribúe nesta campaña 15 millóns de mascarillas en toda España, das que corresponden a Galicia 590.000.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
