Lugo, a 27 de novembro de 2020. O grupo provincial do PP anuncia que votará contra o proxecto de orzamento da Deputación para 2021, porque, en síntese, non son as grandes contas que precisa a provincia para un ano tan complicado como será o próximo. Á vista de como se xestou o orzamento e do seu contido, os populares consideran que “a Deputación deixou de ser un punto de encontro a favor da provincia, como foi no anterior mandato, e deixou de ser útil a Lugo, quizá debido a que o socialista José Tomé é un presidente a tempo parcial”. Neste sentido, o PP destaca que “se conxela o importe do Plan Único e diminúe considerablemente o capítulo VI, de inversións reais, o que é algo inexplicable cando é preciso estimular a economía e a creación de emprego”
O deputado e viceportavoz do PP, José Antonio García, di que a conformación do orzamento para 2021 supuxo “un novo desprezo do presidente Tomé ao grupo popular”. Explica que “por primeira vez en anos non se consultou o orzamento co grupo que representa a máis lucenses e a máis concellos”. Na mesma liña, García indica: “Tomé rompeu o consenso que naceu hai anos”.
En canto ao contido do proxecto orzamentario, José Antonio García, fai o seguinte resume: “decepcionante”. “É un orzamento que foi cualificado de continuista polo propio presidente Tomé, e continuísmo é precisamente o que non necesita a provincia para afrontar un ano tan especial como será o 2021, que esperemos que sexa o da saída desta crise sanitaria e económica”. Agrega o mesmo deputado provincial: “Coa situación que vive a provincia, o orzamento non pode ser continuista, ten que estar pegado á realidade da provincia para responder ás necesidades reais dos lucenses”.
José Antonio García apunta que o proxecto orzamentario suxire certa vagancia por parte do goberno provincial, sinaladamente do seu presidente. “Só así se pode entender que rompa a liña de consenso que se veu mantendo e que non buscara solucións consensuadas para as grandes contas dun ano difícil como será o 2021”.
Os populares están convencidos de que o goberno provincial deseñou a proposta orzamentaria polo procedemento de corta-pega, “esquecendo –di García- que é o instrumento máis importante para a provincia, ao que converten nun documento só de carácter administrativo lonxe dos problemas reais dos lucenses”.
O mesmo deputado popular destaca a pouca importancia que dá o presidente Tomé ao orzamento para o próximo exercicio. “Inclúeo na orde do día dun pleno no que tamén figura a liquidación de Suplusa, dous asuntos importantísimos”. García está convencido de que Tomé intenta tapar a extinción de Suplusa co debate orzamentario. “E con eses dous temas na orde do día, convoca a sesión plenaria para as 13.00 horas; iso parece indicar que non vai deixar ampliar os tempos de intervención”. Agrega: “Parece que Tomé quere liquidar rápido tan importantes asuntos para coller as vacacións de Nadal”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
