Burela, 19 de novembro de 2020. O alcalde, Alfredo Llano, participou nunha vídeo conferencia celebrada esta mañá coas autoridades sanitarias e plantexou que se levante o peche perimetral que sofre a localidade desde hai días e que se estableza un horario para que a hostalería poida volver traballar. Para o rexedor deste xeito evitaríase a acumulación en espazos públicos de persoas que collen os cafés para levar. Estas peticións serán estudadas polo comité clínico que se reúne mañá.
O rexedor burelés dixo que a xuntanza de hoxe era moi agardada e explicou que “esta reunión foi máis ben informativa. Estábamos nesa vídeo conferencia as autoridades sanitarias e os Concellos de Lugo, Monforte, Viveiro e Burela. Hai que dicir que hoxe en Burela temos 41 positivos, que son moitos con respecto ao que había a semana pasada, porque houbo os contaxiados do barco e outros vinculados a unha unidade do 061. Pero tamén hai que dicir que deses 41 hai algúns a piques de rematar a corentena. Agora mesmo estamos no nivel vermello, pero se todo vai ben en pouco tempo penso que estaremos no amarelo”.
Alfredo Llano contou que “coincidimos practicamente todos en buscar un método que nos permita o equilibrio entre a seguridade sanitaria e a actividade socioeconómica. Agora en Burela temos unhas restricións de mobilidade, co peche perimetral, e eu expuxen na reunión que iso non serve de nada para impedir os contaxios porque aquí hai unha permeabilidade total. Aquí entran e saen máis de mil persoas a diario porque temos o porto, o hospital, os colexios e outras circunstancias que obrigan vir traballar e saír traballar a outros concellos a moitísima xente. Polo tanto, creo que sería bo que se permitira a mobilidade salvo que haxa un confinamento individual domiciliario como en marzo”.
O alcalde seguiu a relatar que “outra proposta que tamén fixen é buscar un xeito para que a restauración tivese un horario suficiente para atender e dar servizo, por exemplo que empezaran ás oito da mañá e remataran ás seis ou sete da tarde. Porque temos a experiencia do que ocorreu en Burela no mes de xullo, que aínda que estábamos co peche perimetral tíñamos actividade socioeconómica. Agora por exemplo pídese o café para levar e despois a xente acumúlase noutros lugares para tomalo. As terrazas trasládanse a eses espazos públicos e iso non pode ser. Así que será mellor volver tomar o café nos establecementos hostaleiros. Habería menos horario e menos aforo, pero polo menos habería actividade”.
Alfredo Llano engadiu que “trasladamos estas peticións dos Concellos de Lugo, Monforte, Viveiro e Burela. Mañá reúnese o comité clínico e van falar dos temas que nosoutros lle plantexamos. Se é posible a ver se imos acadando ese equilibrio que é o único que nos debe preocupar cara ao futuro porque penso que é necesario atopalo e exercelo, estando todo o mundo de acordo e cumprindo os protocolos que nos leven a atallar dunha vez esta pandemia do coronavirus”.
O Alcalde de Burela pide que se levante o peche perimetral e que se permita a actividade parcial na hostalería
Relacionado
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
