Cervo, 9 de novembro, 2020. O comité de empresa de Alcoa-San Cibrao deu esta mañá unha conferencia de prensa para anunciar que os representantes dos traballadores e das traballadoras están dispostos a reducir a presión e «aliviar» as perdas para a compañía se a multinacional senta a negociar a venda. «Nós estamos comprometidos e é preciso que Alcoa tamén se comprometa coa sociedade e cunha solución a esta problemática», sentenciou o presidente do comité, José Antonio Zan (CCOO).
Zan exemplificou o compromiso das traballadoras e dos traballadores ao permitiren «saír barcos de material esencial, que non está escrito en lado ningún que esteamos obrigados a deixalo expedir», así como cos provedores, aos que tamén queren axudar con esta proposta. «Nos últimos cinco meses, só comezamos con restricións aos provedores de alumino no último mes»
O voceiro de CCOO insta a Alcoa a negociar cos Gobernos galego e español «en igualdade de condicións», e tamén coa Sociedade Española de Participacións Industriais (SEPI), de cara ao posible regreso da fábrica da Mariña a mans públicas.
Neste sentido, Zan cualificou de «vergoñento» que, pasado máis dun mes, nin o Goberno de España nin a Xunta desen aínda resposta á petición de xuntanza da mesa multilateral de Alcoa, prometida en varias ocasións neste tempo. «Non pode ser que os únicos que están loitando para evitar os despedimentos sexamos os traballadores e os sindicatos nos xulgados», criticou o presidente do comité.
En opinión de Zan, Alcoa debe designar un interlocutor e, coida que este debe ser o presidente de Alcoa, Roy Harvey, quen no seu momento foi director da factoría de San Cibrao. «Ten bastante coñecemento da fábrica», apuntou o sindicalista, polo que «é a persoa axeitada para coller esta negociación».
Impugnación xudicial do ERE
O pasado venres, 6 de novembro, os sindicatos CCOO, CIG e UGT presentaron a impugnación do expediente de regulación de emprego (ERE), de xeito que se «fai efectiva» a medida cautelar determinada polo Tribunal Superior de Xustiza de Galicia, que impide a paralización das cubas de electrólise.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
