Santiago de Compostela, 12 de novembro de 2020. A portavoz de Pesca do Grupo Socialista, Patricia Otero, aplaudiu a aprobación da proposta socialista para elaborar un novo plan de xestión do polbo consensuado co sector “que permita recuperar esta especie”. “O sector fai unha chamada urxente de auxilio”, asegurou Otero, no debate da proposición non de Lei no Parlamento.
A responsable socialista incidiu na necesidade de “recuperar unha especie da que viven 2.000 familias” cando “nos primeiros dez días trala veda, as capturas desta especie pola frota galega caeu un 85%”. Así, lamentou que “fronte aos 5.000 kg capturados o primeiro día de levantamento da veda en 2015”, este 2020, “só se capturaron 500”.
Otero laiouse de que malia ter “meses con capturas mínimas de polbo, parece que á Consellería do Mar non lle interesa abordar o problema do futuro desta pesqueira”. Ademais, destacou a “falla de comunicación” da Xunta que “fai oídos xordos” ás iniciativas das confrarías afectadas “que só reciben información a través da prensa”.
Otero reivindicou a participación do sector “na toma decisións sobre a xestión dos recursos”. Así, asegurou que as confrarías propuxeron diversas actuacións para paliar a escaseza, como “decretar unha paralización da actual campaña ou articular medidas compensatorias para os naseiros durante estes meses”, que “non foron tidas en conta” polo goberno galego.
A socialista sinalou que “é urxente que a Consellería se poña a traballar” nun novo estudo sobre a evolución da especie no que se determinen “as causas do descenso de polbo nas nosas costas”. Ademais, esixiu que se “consensúe un verdadeiro plan co sector” para “recuperar a especie”, xa que “os plans realizados ata o de agora, non conseguiron os obxectivos marcados, tendo en conta que en 2020 volvemos a falar da escaseza deste recurso”.
Por último, a responsable socialista sinalou que “o polbo é un recurso de gran importancia para a frota de baixura en Galicia, xa que son case 800 embarcacións as que dependen desta especie para garantir unha conta de resultados positiva”. Así, lamentou que “tanto científicos como pescadores coinciden en que este será o peor ano da historia”.
O Parlamento aproba a proposta socialista para elaborar un novo plan de xestión do polbo consensuado co sector
Relacionado
-
O Concello de Tapia de Casariego impulsa melloras nas infraestruturas e servizos do Val de San Agustín
-
Portos de Galicia completa a tramitación das solicitudes de reversión de terreos en 25 concellos e agarda resposta do Estado
-
O PP cre que os cambios de ideas da alcaldesa sobre a estación de autobuses evidencian que “non ten proxecto serio para Vilalba”
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
