Foto de arquivo
Lugo, 3 de novembro de 2020. Coñecido na tarde deste martes dende o Servizo de Benestar Social da Deputación de Lugo dun caso positivo por Covid-19 dunha persoa traballadora de Mensajeros de la Paz, a entidade adxudicataria de prestacións básicas no Centro de Atención a Maiores de Trabada, a Deputación de Lugo informa do seguinte:
Dende o momento no que a persoa traballadora lle comunicou á directora do mencionado centro que deu positivo na proba PCR, a Deputación de Lugo aplicou o protocolo de actuación urxente, que consiste na realización, mañá mesmo, dun cribado masivo con proba PCR a todos os traballadores e traballadoras e usuarios e usuarias do Centro de Atención a Maiores de Trabada.
Co obxectivo de ser máis áxil e minimizar o posible impacto da Covid-19, a Deputación de Lugo decidiu externalizar a realización das probas PCR para obter os resultados nun prazo de menos de 12 horas, tendo en conta que utilizando os procedementos ordinarios o tempo podería superar as 48 horas. En todo caso, a Deputación seguirá as indicacións e as probas pautadas polas autoridades sanitarias competentes na materia, seguindo coa colaboración que mantén dende o inicio da pandemia.
Cabe sinalar que a persoa traballadora que deu positivo por Covid-19 non estivo en contacto coa comunidade do CAM de Trabada dende hai 5 días, momento no que foi coñecedora de ser contacto directo con outra persoa traballadora da residencia de maiores de San Cibrao que resultou positivo. Polo tanto, está localizada a procedencia do contaxio e a persoa traballadora do centro de Trabada permanece illada do resto dos traballadores e dos usuarios.
Así mesmo, os usuarios e as usuarias do Centro de Atención a Maiores de Trabada fixeron unha proba PCR a semana pasada, resultando todas negativas.
A Deputación de Lugo xa informou da situación aos usuarios e usuarias e ás súas familias, mantendo a política de máxima transparencia que aplica a institución dende o inicio da pandemia.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
