Foz, 31 de decembro de 2020. A empresa Gestagua non celebrou este ano a súa habitual comida de Nadal na súa sede de Madrid e decidiu doar o seu importe, 2.000 euros, ao Banco de Alimentos de Foz. A entrega foi realizada á concelleira de Servizos Sociais, Ana Rojo, polo delegado en Galicia da firma, José Rey, e o xefe de servizo en Foz, Ramón Hernando.
Este ano Gestagua decidiu non celebrar a habitual comida de Nadal na súa sede, en Madrid, e acordou doar o importe da mesma a unha organización sen ánimo de lucro dalgún dos municipios nos que opera en España. Foron finalmente os propios traballadores os que elixiron ao Concello de Foz, concretamente ao seu Banco Local de Alimentos, entre outras razóns como xesto de solidariedade cunha comarca que vive unha gran incerteza como consecuencia da situación de Alcoa (Foz é a única explotación de Gestagua na Mariña) e como mostra de compromiso da empresa con esta localidade e co seu futuro.
Gestagua tamén lembra que Foz foi unha das primeiras localidades do país, xunto outros concellos da comarca, que tivo que confinarse pouco despois do levantamento do Estado de Alarma, o que provocou unha ola de solidariedade dentro da empresa coa súa poboación máis vulnerable, pois Foz é unha das explotacións históricas de Gestagua en Galicia e coas que mantén un vínculo máis estreito.
A concelleira de Servizos Sociais encomia o xesto dos traballadores e da empresa Gestagua co Banco de Alimentos focense. “É tempo de solidariedade e todo esforzo é imprescindible”, destaca Ana Rojo.
A empresa Gestagua non celebrou a súa comida de Nadal na súa sede en Madrid e doou o seu importe, 2.000 euros, ao banco de alimentos de Foz
Relacionado
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
