Lugo, a 16 de decembro de 2020. O deputado do Grupo Popular, José Manuel Balseiro, formulará unha pregunta na sesión de control da Comisión 2ª do Parlamento de Galicia na que se interesa polas vantaxes que supuxo a implantación do novo plan de transporte público por autocar na provincia de Lugo que, na súa opinión “permitiu reforzar e mellorar os servizos aos cidadáns”.
Balseiro lembra que, anos despois da súa posta en marcha en 2017, incrementáronse sensiblemente o número de combinacións horarias e frecuencias semanais con respecto ao contrato anterior o que supuxo unha mellora substancial deste servizo público que redunda en beneficio dos veciños da provincia e, moi especialmente, da mobilidade do rural.
Segundo o parlamentario popular, unha das novidades do novo plan “que funcionou de xeito máis satisfactorio, e que mellor acollida tivo entre a veciñanza” foi o novo servizo de transporte escolar compartido, que permite aos usuarios subirse ao bus escolar e aproveitar as prazas baleiras, beneficiándose tamén os adultos destas rutas e horarios.
A Xunta defende que a integración do transporte escolar trouxo múltiples beneficios, xa que permite un mellor aproveitamento dos recursos públicos e fai posible multiplicar a cobertura territorial dos autocares no rural; ademais de facer economicamente viables os contratos de transporte. Na actualidade esta modalidade préstase con totais garantías sanitarias, con protocolos específicos adaptados á situación de pandemia.
Balseiro finaliza a súa exposición lembrando que a mellora no transporte público por autocar na provincia contrasta co comportamento adoptado polo Goberno de España que, “aproveitando a situación da pandemia, está a levar adiante un desmantelamento progresivos dos servizos ferroviarios públicos nesta mesma provincia”.
A iniciativa será obxecto de debate o vindeiro venres, día 18 de decembro, no Pazo do Hórreo de Santiago de Compostela, sede do órgano lexislativo galego.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
