Santiago de Compostela, 26 de decembro de 2020. A Xunta traslada a súa preocupación ante as cuestións publicadas sobre a pesca no marco do acordo do brexit acadado este xoves entre a Unión Europea e Reino Unido. A falta de coñecer información oficial dos seus termos por parte do Goberno central, que é quen participou na negociación, o Executivo galego considera que unha vez máis a pesca foi empregada como moeda de cambio en Europa pese as advertencias e peticións realizadas para que na negociación non se traspasara esa liña vermella. Neste sentido, Galicia non se vai conformar con compensacións por este acordo e será belixerante e contundente para recuperar os dereitos de pesca perdidos no acordo do brexit.
A Xunta agarda a coñecer o texto do acordo definitivo para valorar as posibilidades de defensa da cadea mar-industria de Galicia. Non obstante, segundo a información transcendida, o acordo é sumamente negativo porque semella que se entregou de forma definitiva á frota británica o 25% das cotas de pesca europeas -cargando máis nas especies peláxicas como o xurelo, a xarda ou o lirio- para comprar o acceso ás augas do Reino Unido durante só cinco anos e medio.
O Goberno galego considera isto alarmante para a frota galega, tanto a curto como a medio e longo prazo. A curto prazo porque os barcos perderán cotas importantes de pesca e posibilidades de intercambio que axudaban a facer rendibles as frotas e as lonxas (onde as descargas procedentes do Gran Sol constitúen o maior volume de facturación).
Os efectos a medio prazo pasan porque a posibilidade de renegociación en 2026 da contraprestación ao Reino Unido en forma de cotas poderá derivarse contra especies demersais, como a pescada, o gallo ou o rape, nas que a frota galega basea as súas pesqueiras. A Xunta tamén considera alarmante o acordo a longo prazo porque semella que se estragou a última posibilidade de facer forza nunha negociación ao entregar o acceso aos mercados europeos dos produtos mariños británicos.
A isto hai que engadir as perdas e dificultades que supón este acordo, por unha banda para a frota que faena en augas do Gran Sol, pois perde parte dos seus dereitos e posibilidades de pesca directas e ademais en cinco anos deberá renegociar ano a ano un acceso que vai ser minorado en termos de posibilidades de pesca. Por outra banda, tamén afecta aos barcos que faenan nas augas do Cantábrico-Noroeste, porque as cesións a Reino Unido relacionadas coas especies peláxicas poñen moito máis difícil acadar cotas ampliadas de especies coma a xarda, o lirio ou o xurelo.
Galicia tamén considera negativo que Reino Unido abandone a Política Pesqueira Común (PCP), pois non sufrirá a aplicación de aspectos de difícil cumprimento que este mesmo Estado propugnou para a súa incorporación á PCP como a normativa sobre a eliminación de descartes. Tampouco terán que aplicar aspectos relativos á sustentabilidade como a minoración de frota ao ver aumentadas as súas cotas cos novos arranxos para a ordenación conxunta de máis de 100 poboacións de peixes que parece que tamén poderán seguir pescando en augas UE.
Para Galicia todo isto demostra que a pesca é de novo empregada como moeda de cambio como aconteceu cando España entrou na Comunidade Económica Europea, un proceso no que a frota resultou prexudicada. A comunidade galega advertiu en numerosas ocasións deste risco, a última o pasado sábado cando o presidente da Xunta, Alberto Núñez Feijóo trasladou por carta ao Goberno central a súa preocupación en relación coa deriva das negociacións sobre o brexit en materia pesqueira.
Galicia sempre apostou e aposta por un acordo que permitise manter o statu quo mediante o acceso da frota comunitaria ás augas británicas a cambio da entrada dos produtos pesqueiros do Reino Unido no mercado comunitario sen ningún tipo de arancel. Trátase da proposta que a comunidade defendeu desde o principio e que beneficiaría ás dúas partes pois Europa conta cunha importante frota que faena en augas británicas e o mercado comunitario é o principal destinatario dos produtos pesqueiros do Reino Unido.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
