Mondoñedo-Ferrol, 11 de decembro de 2020. O P. Luís Anxo das Heras Berzal, CMF, despídese esta fin de semana de todos os diocesanos coa celebración de dúas Misas de acción de grazas por estes catro anos e medio como pastor de Mondoñedo-Ferrol.
A primeira das celebracións eucarísticas terá este sábado, 12 de decembro, ás doce do mediodía na Catedral da Asunción de Mondoñedo. A segunda será en Ferrol, o domingo, día 13, ás cinco da tarde na Concatedral de San Julián.
Ambas as cerimonias serán retransmitidas en directo pola canle diocesana de Facebook (www.facebook.com/mondonedoferrol), ao que tamén se poderá acceder a través da páxina web da diocese.
Ao longo de toda a fin de semana, o Servizo Diocesano de Comunicación utilizará a etiqueta #GraciasPadreLuisÁngel nas nosas redes sociais, para que todos aqueles que queiran sumarse á despedida poidan utilizala. Aproveitamos esta ocasión para anunciar que, esta pasada noite, alcanzamos o obxectivo proposto dos 1.000 subscritores na nosa canle de Youtube. Queremos agradecer a todos a gran resposta que, neste sentido, recibimos. Dados diferentes trámites por parte
da plataforma, terémolo dispoñible no prazo duns días, polo cal, esta fin de semana a retransmisión será unicamente a través da nosa mencionada canle de Facebook.
Misa de acción de grazas en Mondoñedo na despedida de Mons. Das Heras
Relacionado
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
