Santiago de Compostela, 11 de Decembro 2020. O BNG mantivo un encontro co comité de empresa de ENDESA-As Pontes para analizar a situación do cadro de persoal unha vez iniciado o proceso de peche da central e, neste sentido, solicita a comparecencia no Parlamento do conselleiro de Economía e Industrial, Francisco Conde, para que explique que accións está levando a cabo a Xunta para evitar a perda de centos de postos de traballo e xerar unha alternativa industrial.
“A día de hoxe, e pese ás promesas electorais de PP e de PSOE de aplicar nas Pontes unha transición xusta, o que estamos vendo é unha reconversión industrial encuberta na comarca de Ferrolterra, outra máis”, denunciou a portavoz nacional, Ana Pontón, na comparecencia de prensa posterior xunto co presidente do comité de empresa, Luís Pico.
“Ao final parece que a transición xusta consiste en elixir entre emigrar ou ir ao paro, é inaceptable porque esa non pode ser a alternativa para unha comarca xa moi castigada”, criticou, tras sinalar que nas auxiliares comezaron os despedimentos e a propia ENDESA empezou a comunicar traslados a outros centros da multinacional, a maioría fora de Galiza.
Tras a reunión na que tamén participou o deputado no Congreso, Nestor Rego, e o deputado de Ferrol, Ramón Fernández, Pontón manifestou o total apoio do BNG ás demandas dos traballadores nun momento en que están a ser ignorados tanto polo Goberno galego como polo do Estado. “Fai apenas uns meses, -coincidindo coas eleccións galegas-, asistimos a un desfile de ministras e de conselleiros prometendo unha solución de futuro, agora non se molestan nin en coller o teléfono e moito menos en recibilos”, recriminou.
A formación nacionalista considera que si hai alternativas para minimizar o impacto do peche da térmica e pon propostas sobre a mesa. En primeiro lugar, salvar unha parte da central e o correspondente emprego utilizando biocombustibles ao 100% para manter unha parte da actividade. En segundo lugar, o peche da central supón deixar libres 1.400 MW que son propiedade da empresa estatal Rede Eléctrica Española, fundamentais para o sector eólico. A proposta do BNG é que a adxudicación da capacidade de evacuación destes miles de megavatios teña como condición xerar novos postos de traballo.
En terceiro lugar, As Pontes ten que beneficiarse dunha transición enerxética xusta, con recursos públicos que deben nutrirse de tres vías: fondo de descarbonización, orzamentos de Galiza de 2021 e fondo europeo de reconstrución, o denominado Next Generation, que ten entre as actuacións financiables as enerxías renovables
Os recursos obtidos por estas tres vías deben enfocarse á redindustrialización das Pontes e do conxunto da comarca de Ferrolterra, explicou Pontón, “o que non se pode permitir e que Galiza siga perdendo, día a día, industrias estratéxicas nun proceso de desertización que é urxente reverter porque non podemos concibir un país con futuro sen un sector industrial potente xerador de riqueza e de emprego”.
O BNG denuncia que a prometida transición xusta en ENDESA está quedando nunha nova reconversión encuberta nas Pontes
Relacionado
-
O PPdeG destaca as iniciativas de emprendemento desde o rural galego que poñen en valor o territorio
-
O PSdeG reclama ao alcalde de Abadín actuacións urxentes no campo de fútbol municipal
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
