Viveiro, 2 de decembro de 2020. O Concello de Viveiro informa de que o próximo sábado, 5 de decembro, ás 18:00, terá lugar o acendido das luces de Nadal no municipio. Ademais, continuando cos actos tradicionais destas datas, o domingo 6 de decembro, ás 10:00, abrirase ao público o belén “Viveiro ante o berce”, no atrio da Igrexa de Santa María. Por mor do contexto sanitario, este ano, o belén abrirase ao público sen facer un acto de inauguración, co obxectivo de evitar aglomeracións.
O belén “Viveiro ante o berce” considérase como un dos máis importantes de Galicia, destacando pola súa beleza, a dimensión das súas pezas, a extensión do conxunto do propio belén e por estar instalado nun enclave histórico-monumental único. Coa fin de respectar as medidas sanitarias para conter a pandemia, o belén conta un protocolo COVID-19 que engloba as seguintes medidas:
– A visita só pode realizarse nun sentido, estando habilitadas unha única entrada e unha única saída.
– O uso de máscara é obrigatorio.
– Os visitantes deberán circular sempre seguindo o percorrido marcado e respectando a distancia de 3 metros con outros visitantes e/ou grupos.
– Nos accesos ao belén, o público que estea esperando deberá respectar tamén a distancia de seguridade de 3 metros.
– Está prohibido tocar calquera elemento do decorado.
– Os visitantes respectarán en todo momento as indicacións do persoal.
– Prégase que, unha vez rematada a visita, os visitantes abandonen as inmediacións do recinto para evitar aglomeracións na saída.
– Reforzouse a vixilancia no belén, sobre todo nas horas puntas.
En calquera caso, dende o Concello de Viveiro recordan prestar atención ás indicacións establecidas en cada momento polas autoridades competentes, especialmente no relacionado co número máximo de persoas por grupo.
Cómpre destacar que o Concello de Viveiro organiza o belén “Viveiro ante o Berce” en colaboración coa Deputación de Lugo, que financia integramente a súa montaxe, responsabilidade da Asociación Amigos do Casco Vello.
Dende o Concello de Viveiro, anímase á veciñanza e ós visitantes a achegarse ao municipio para gozar do ambiente de Nadal, sobre todo a partir desta fin de semana co acendido da decoración. Tamén recomendan achegarse ao belén “Viveiro ante o berce”, mais piden planificar esta visita para acudir nos momentos menos concorridos, co obxectivo de evitar aglomeracións. Por último, o Concello de Viveiro apela á responsabilidade individual para cumprir coas medidas establecidas polas autoridades sanitarias e poder gozar así das actividades propostas este Nadal a pesar do contexto sanitario.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
