Santiago, 23 de decembro de 2020. O Parlamento de Galicia aprobou hoxe a proposición non de lei do Grupo Popular a través da que se demanda ao Goberno de España que aprobe o estatuto dos consumidores electrointensivos coas alegacións presentadas polo sector e pola Xunta, marcando así a folla de ruta para dispor a medio prazo de medidas similares ás que este tipo de industria goza en Alemaña ou Francia.
A proposición non de lei inclúe, ademais, a solicitude para que o Goberno central implemente, no menor tempo posible, os mecanismos que substitúen as poxas de interrompibilidade, como a reserva estratéxica de resposta rápida, contemplando as singularidades da industria altamente consumidora en enerxía e procurando unha pronta apertura dos prazos de convocatoria. Tamén se pide que se incremente a dotación das compensacións por CO2 indirecto no 2020 ao máximo permitido, eliminando o imposto de xeración ao 7 por cento; que se exima dos cargos de financiamento das renovables e da coxeración ás industrias cun gran consumo enerxético; e que revise a consideración de industria electrointensiva, de forma que recolla adecuadamente o carácter altamente dependente da enerxía do tecido galego.
A viceportavoz do Grupo Popular, Elena Candia, comezou a súa intervención lembrando “a boa nova acontecida a semana pasada coa sentenza do Tribunal Superior de Xustiza de Galicia que declara nulo o expediente de regulación de emprego de Alcoa”. Neste sentido, recoñeceu o traballo feito tanto polos traballadores e as súas familias, así como das distintas administracións públicas, e dixo que “todos temos un mesmo obxectivo: manter os postos de traballo e que continúe a actividade industrial na zona de A Mariña”.
“Alcoa está a tempo de rectificar”, manifestou Elena Candia, quen considerou que a mellor saída posible é que se venda a planta, para a que existe un operador disposto a investir. “Pero, se non pode ser así, temos que avogar pola intervención”, concluíu.
RECORTA O APOIO ÁS EMPRESAS
Candia lembrou que o pasado 17 de decembro publicouse o Real Decreto polo que se regula o estatuto dos consumidores electrointensivos, que “recorta o apoio ás empresas galegas, xa que este texto responde a un criterio territorial e non a unha verdadeira aposta pola industria”. “Só así se explica o incremento do número de empresas beneficiarias: de 120 a 600”, engadiu.
“Este estatuto chega tarde e é claramente insuficiente, xa que os grandes consumidores non atoparán resposta á súa demanda dun prezo eléctrico que lles permita competir en igualdade de condicións con outros países, como Francia e Alemaña”, indicou.
Así mesmo, a viceportavoz popular lamentou que “o noroeste de España perde, unha vez máis, con este estatuto de consumidores electrointensivos” e subliñou que “non se atenderon as alegacións de Galicia, Cantabria e Asturias”.
Deste xeito, Elena Candia demandou que “o Goberno de España rectifique, porque esta política enerxética está deixando de lado á industria e poñendo en claro perigo os empregos industriais e a máis de 5.000 familias que dependen da industria electrointensiva”.
Por último, Candia lamentou que “tampouco existe un compromiso claro desde o punto de vista dos mecanismos de CO2, asignando este ano só un 22 por cento dos recursos permitidos pola Unión Europea”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
