Lugo, a 23 de decembro de 2020. O goberno provincial, presidido polo socialista José Tomé, é recalcitrante no erro, insistente na chapuza e persistente no exercicio do obscurantismo. É así en moitos aspectos da súa xestión, pero de maneira extraordinariamente chamativa en todo o que ten que ver coa disolución de Suplusa e a encomenda do servizo de mantemento das zonas verdes provinciais a Tragsa. Agora, prepara un contrato con esta empresa pública por dous anos, por importe de 1.700.000 euros e cédelle gratuitamente a maquinaria . De novo, e de pese a todos os avisos dados polos populares, queda de manifesto que a desaparición de Suplusa, lonxe de adelgazar a Deputación, engordou os custos da administración provincial, e provoca unha sobrecarga para o erario, porque con Tragsa o mantemento das zonas verdes sae moito máis caro que con Suplusa.
O viceportavoz popular, José Antonio García, ve, unha vez máis, confirmados os seu temores iniciais acerca de que encomendar as zonas verdes a Tragsa suporía un incremento de custos. “Un incremento que, como vemos, se dispara e que, ademais, abre novos interrogantes para os que queremos explicacións”, di García.
Entre outras cuestións que están pendentes de aclarar, e para a que os populares reclaman explicacións de inmediato, é a da maquinaria. García declara: “No PP xa denunciamos que Tragsa estivo un ano utilizando a maquinaria de Suplusa sen que esta sociedade autorizase tal uso; preguntamos quen, no goberno da Deputación, deu permiso para que Tragsa usara as máquina de Suplusa e aínda non tivemos resposta”. E engade: “E agora resulta que a Deputación pasa a maquinaria que foi de Suplusa a Tragsa, pero xa de maneira oficial”.
A vista da situación, os populares, por boca de José Antonio García, preguntan ao goberno provincial se hai unha valoración da maquinaria que foi de Suplusa e que a Deputación traspasa a Tragsa. García sinala: “O primeiro que hai que dicir é que non temos nada claro que as máquinas sexan xa legalmente da Deputación; é dicir, non temos claro que estea completo o proceso de disolución de Suplusa e a incorporación pola Deputación dos seus bens”.
O segundo aspecto da mesma cuestión, explicado por García, é este: “Xa dixen que queremos saber se hai unha valoración da maquinaria que se traspasa a Tragsa. Pero tamén queremos saber como se relaciona economicamente ese traspaso co custo real para a Deputación”.
García declara: “Queremos explicacións de todos estes aspectos nada claros na relación entre a Deputación e Tragsa. Por outro lado, insistimos en que os traballadores de Suplusa que atendían as zonas verdes teñen que ser subrogados na Deputación, como os que foron os seus compañeiros na sociedade provincial, e non en Tragsa”
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
