Foto de arquivo
Lugo, 4 de xaneiro de 2021. A Deputación de Lugo tivo coñecemento no día de hoxe de que o cribado periódico que realizaron o pasado sábado as autoridades sanitarias no Centro de Atención a Maiores de Trabada ofreceu como resultado que toda a comunidade da residencia deu negativo, excepto unha persoa traballadora, un caso que podería tratarse dun falso positivo. Co fin de determinar canto antes se realmente era ou non un positivo, a institución provincial, a maiores das medidas indicadas polo SERGAS, decidiu realizarlle a esta persoa, esta mesma mañá, unha PCR con recursos propios, nun centro de diagnóstico lucense autorizado pola Xunta de Galicia, que consta inscrito no Rexistro de Centros Sanitarios. O RESULTADO DESTA PROBA PCR FOI NEGATIVO, CO CAL, á espera das probas que tamén lle fará hoxe o SERGAS, QUEDA CONFIRMADO QUE SE TRATOU DUN FALSO POSITIVO. POLO TANTO, A RESIDENCIA DE TRABADA SEGUE LIBRE DE COVID-19.
A Deputación de Lugo continúa coa súa política de máxima transparencia e de resposta inmediata con cribados ante calquera caso positivo ou sospeitoso de selo para protexer a saúde dos traballadores e traballadoras da institución, así como dos usuarios e usuarias dos servizos públicos que ofrece, e de todas as persoas que acceden ás dependencias provinciais, garantindo, ao mesmo tempo, a continuidade e a normalidade na prestación dos servizos.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
