Ribadeo, a 27 de xaneiro de 2021. O voceiro do grupo municipal popular de Ribadeo, Daniel Vega, lamenta que “os orzamentos para 2021 aprobados polo BNG non pensan en combater a crise derivada da pandemia da covid-19”. É máis, “nestes momentos reducen a inversión en Ribadeo” e “dan as costas á reactivación económica de Ribadeo porque non concretan ningunha partida para dotar ao Concello dun plan de reactivación económica como propuxemos ata en tres ocasións dende o Grupo Municipal Popular e ao que o BNG sempre dixo non”.
As contas para o 2021 en Ribadeo ascenden a 9,8 millóns de euros dos que 1,5 se destinan a inversión; pero, destes, o Concello aportará “única e exclusivamente 60.000 euros porque o resto son achegadas doutras administracións”, aclara. Por outra banda, denuncia que “falta por concretar unha partida para o asilo”.
Vega critica tamén que “o goberno local segue na mesma liña que o ano pasado: pedir créditos e deixar sen investir. No 2020 pediu un crédito de 550.000 euros e deixou sen investir 335.000 euros. E para o 2021, pide outro crédito de 610.000 euros que non sabemos onde se vai investir porque a súa resposta foi o silencio”.
Así, de cara ao 2022 “o Concello terá unha carga financeira de 1,6 millóns de euros”. Esta débeda acredita que “o goberno local do BNG non é un bo xestor”.
Orzamentos sen consenso e que non se axustan á realidade
“O goberno do BNG parece permanecer alleo á realidade e non escoita o que pasa nestes momentos”, di Daniel Vega. Trátase duns orzamentos “pésimos” segundo o voceiro do Grupo Municipal Popular porque “non pensan nas familias máis vulnerables, nin no tecido económico local”. Tampouco eliminan taxas e impostos municipais temporalmente, engade. Critica Vega que “o goberno local pense que cun incremento de 30.000 euros vai solucionar os problemas das familias máis vulnerables e que peor o están pasando”.
O popular defende tamén que, “nestes momentos de gran crise, os orzamentos deberan ser consensuados cos distintos grupos da Corporación municipal e co tecido económico do municipio” e, nesa liña, é na que o Grupo Municipal Popular se compromete a seguir traballando.
Outros puntos da orde do día
O Grupo Municipal Popular interesouse durante a sesión plenaria por distintos asuntos de interese para os veciños e veciñas. Así, Daniel Vega preguntou ao goberno local polo número de xuízos perdidos e “o diñeiro que terán que pagar tódolos ribadenses” e tal e como tiña avanzado, a concelleira Elena Sierra demandou un protocolo de desinfección ante a covid-19 de parques, rúas e puntos concorridos de Ribadeo. A edil preguntaba polo horario e a periodicidade dos traballos de limpeza e desinfección, pero como resposta só recibiu “divagacións” polo que continúa sen coñecer se elixe o operario correspondente ou se, pola contra, existe unha planificación que a popular continúa a poñer en dúbida.
O Grupo Municipal Popular tamén se interesou por coñecer cal é a empresa que xestiona actualmente a residencia de maiores de Ribadeo e, por outra banda, conseguiu que as axudas municipais para a conciliación da vida laboral e familiar se dirixan ás familias e non discriminen por centros. “Presentamos dúas veces alegacións para mellorar a redacción da ordenanza reguladora para que permitise beneficiarse ás familias que precisen empregar as ludotecas ou os programas de calquera dos centros educativos do municipio para conciliar”.
Así mesmo, os populares apoiaron a solicitude dunha axuda ao IDAE para a renovación das instalacións de iluminación. Nese sentido, a concelleira Begoña Sanjurjo lembroulle ao alcalde as deficiencias na iluminación tanto no casco urbano coma nas parroquias do rural que considera que “teñen que ser subsanadas con subvención ou sen ela”. Nese sentido, lembrou por exemplo a situación da parroquia de Couxela que leva un atraso considerable na dotación dun alumeado público de calidade”.
Tamén recibiu o apoio do Grupo Municipal Popular un proxecto de mellora medioambiental para emprender na costa do municipio de Ribadeo.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
