Viveiro, 14 de xaneiro, 2021. O ministro de Agricultura, Pesca e Alimentación, Luís Planas, asegurou hoxe, que a futura lei de pesca sostible e investigación pesqueira vai ser un instrumento eficaz para conseguir a modernización do sector pesqueiro español e garantir a súa continuidade para lograr un aproveitamento óptimo e duradeiro dos recursos mariños.
O ministro anunciou que mañá, día 15, iníciase a consulta pública, durante 15 días, do anteproxecto de lei, que solicitará a opinión de cidadáns e das asociacións e organizacións máis representativas potencialmente afectados pola futura norma. Este trámite inicia o proceso de elaboración da norma que terá a súa primeira lectura no Consello de Ministros, o próximo mes de febreiro.
Planas, que inicia hoxe en Porto Celeiro unha visita de dous días a Galicia, destacou a importancia desta lei para un sector económico esencial para a economía de España, tamén para a galega, especialmente pola súa gran concentración en certas zonas litorais, onde o emprego e a actividade económica están moi vinculados ao seu sostemento.
Esta lei, forma parte do paquete lexislativo co que o Goberno quere fixar os principios reitores da política pesqueira dos próximos anos e complementarase cunha lei de modernización do control e inspección e do réxime sancionador e outra terceira destinada á dixitalización, ordenación e comercialización.
Con esta reforma lexislativa preténdese realizar unha revisión profunda das normas de pesca, lograr unha maior seguridade xurídica para todos os axentes do ámbito pesqueiro e mellorar a transparencia á vez que se moderniza e dixitaliza a xestión.
PESCA SOSTIBLE
A norma de pesca sostible irá dirixida á protección, conservación e rexeneración dos recursos pesqueiros para contribuír ao cumprimento dos obxectivos de desenvolvemento sostible e a loita fronte o cambio climático.
Basearase nos principios de precaución e de enfoque ecosistémico e impulsará a xeración de coñecemento científico en materia pesqueira e a investigación mariña.
A lei busca facilitar a planificación empresarial no sector, así como clarificar os requisitos para acceder aos recursos pesqueiros. Introducirá novidades noutros ámbitos como na regulación da pesca de recreo ou no aproveitamento dos recursos mariños vivos para acceder ao seu material xenético.
Nos últimos anos, os esforzos regulatorios, tanto nacionais como da Unión Europea (UE), a través da Política Pesqueira Común, incidiron na sustentabilidade ambiental e biolóxica dos recursos pesqueiros e o respecto á biodiversidade do medio mariño, dada a precaria situación na que se atopaban algúns deles. Por iso é polo que se mantén un alto nivel de enfoque ambiental da norma, á vez que se reforza a necesaria sustentabilidade social e económica do sector pesqueiro.
Así, na vertente social o anteproxecto de lei busca compatibilizar o dereito dos profesionais do sector para explotar os recursos e a obrigación do Estado de garantir e amparar o fin común e ambiental dos mesmos.
O Goberno estima que a función económica da pesca é imprescindible para a mellora do emprego e das condicións de vida da poboación costeira e do medio rural.
MELLORA EFICIENCIA ENERXÉTICA, SEGURIDADE E CONFORT ABORDO
Na visita, Luís Planas reuniuse tamén con representantes do sector pesqueiro para analizar a súa situación e a evolución que vai ter no futuro.
Nela, referiuse ao Fondo Europeo Marítimo da Pesca e a Acuicultura (Fempa) para o período 2021-2027 para lembrar que España recibirá 1.120 millóns e que, con respecto ao período que terminou en 2020, vai dispoñer dun maior grao de flexibilidade na súa aplicación.
Neste orzamento, haberá axudas para mellorar a eficiencia enerxética dos buques, ademais poderase aumentar a seguridade e confortabilidade nos pesqueiros, unha das demandas defendidas por España, xa que estes elementos de renovación non implican maiores capturas.
PORTO DE CELEIRO
O ministro percorreu tamén as instalacións de Porto de Celeiro, lugar que dá nome, así mesmo, a unha organización de produtores pesqueiros integrado por unha ducia de empresas que conforman unha completa oferta de servizos pesqueiros e realiza unha xestión exemplar da súa actividade profesional.
É un referente nacional nas vendas de pescada de calidade e sostible e destaca polo seu apoio incondicional á formación continua e a transferencia de coñecemento. Polo seu forte compromiso, ademais, co fomento dunha pesca viable e sostible e a aposta pola diferenciación da calidade dos produtos pesqueiros recibiu o premio Alimentos de España en 2018.
O ministro continuará mañá a súa visita a Galicia, en cuxo programa de traballo están previstas reunións co presidente da Xunta, Alberto Núñez Feijóo, e con representantes do sector agrario galego.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
