Cervo, 30 de xaneiro de 2021. A edil de Facenda, Dolores García Caramés, presentou hoxe un avance dos orzamentos previstos para o este ano 2021, cuxa tramitación se está a ultimar, e que serán aprobados no vindeiro pleno ordinario que se celebrará o próximo xoves, 4 de febreiro.
Caramés explicou que a partida para este exercicio ascenderá a 6.445.820,17 euros, unha cifra que se reduce nun 3,04% con respecto ao exercicio anterior –concretamente en 201.867,60 euros- “froito da actual conxuntura que vivimos marcada por unha pandemia de alcance mundial, unha situación inédita que tamén afecta ás arcas municipais”.
Os orzamentos que imos presentar son polo tanto “realistas; e responden aos principios da prudencia e a da responsabilidade”; co obxectivo prioritario de seguir a ofrecer uns servizos públicos de calidade para a nosa veciñanza; cumprindo os principios da eficiencia e da eficacia na xestión do gasto público. Son unhas contas -engade- que amosan a aposta decida deste equipo de goberno pola estabilidade e a sustentabilidade financeira, e nomeadamente polos servizos públicos; “porque estes orzamentos reflicten de novo a indubidable aposta deste Concello pola xestión directa, “que sitúa a Cervo como o municipio de Galicia con máis servizos públicos” (saneamento, recollida de lixo, abastecemento de auga, escola infantil, piscina municipal, Axuda no Fogar, Dependencia, entre outros).
No orzamento para este ano 2021 seguen a ter especial relevancia as políticas de fomento do emprego “cuxo exemplo máis significativo son as bolsas de formación remuneradas para a mocidade”, para as que se destinan 140.000 euros do orzamento municipal.
Seguimos, así mesmo, -precisa- estando ao carón do tecido social do noso municipio, ofrecendo axudas directas ás diferentes asociacións e clubs deportivos que son fundamentais no día a día do noso Concello “sabedores de que están a ser tamén tempos moi difíciles para o desenvolvemento da súa actividade que se está a ver tremendamente condicionada pola pandemia”. Do mesmo xeito, seguiremos apoiando á comunidade educativa con axudas que volvemos dispoñer para o transporte do alumnado, para as familias, para os centros educativos e as ANPAS.
Os Servizos Sociais ocupan ademais un lugar prioritario na estrutura dos novos orzamentos; para os que se reservan un ano máis unha importante contía tanto para a súa xestión directa como para seguir a colaborar coas diferentes asociacións e colectivos.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
