Viveiro, 23 de xaneiro de 2021. O Concello de Viveiro elaborará un protocolo común de actuación para os casos nos que se detecte unha posible situación de violencia de xénero no ámbito educativo.
A iniciativa tratouse na última reunión da Mesa Local de Coordinación Interinstitucional contra a Violencia de Xénero. Para elaboración do protocolo, o concello tomará como referencia a Guía de actuación ante casos de violencia de xénero no ámbito educativo, elaborada pola Xunta de Galicia e á que teñen acceso todos os centros educativos, e o Protocolo municipal de coordinación, cooperación, prevención e sensiblización contra a violencia de xénero, do Concello de Viveiro.
Para iniciar a elaboración do protocolo común, na reunión propúxose que os centros educativos participantes analicen os documentos e fagan unha análise das necesidades que se poden plantexar en cada centro, propostas para facer efectiva e real a aplicación da Guía, dispoñibilidade de tempo e posibles apoios do propio centro educativo para levar a cabo o proxecto, que farán chegar ao Centro de Información ás Mulleres (CIM) para que éste vaia dando forma ao documento.
Ante a predisposición de todas as participantes na reunión a levar a cabo o proxecto, acordouse establecer un grupo de traballo, tendo a ditas persoas como referentes (gardiás da igualdade) en cada centro educativo.
Por outra parte, a concelleira de Igualdade, Lara Fernández Fernández-Noriega, explicou na reunión o proxecto chamado ‘Viveiro de igual a igual’, para sensibilizar e educar en igualdade durante todo o ano e non simplemente cando se conmemoran as efemérides como poden ser o 8 de marzo ou 25 de novembro. É unha proposta para traballar en colaboración cos distintos axentes sociais pola igualdade.
A idea resumo é plantar a semilla da igualdade na sociedade a través de distintos proxectos ou actividades, en colaboración cos distintos axentes implicados. Para iso, a primeira proposta sería comenzar a plantexar o proxecto no ámbito educativo, tentando facer un proxecto curricular de actividades para traballar a igualdade nas aulas e fora delas durante todo o ano e de xeito transversal.
“Trataríase de marcar un aspecto da igualdade común a todos os centros educativos para traballar en diversas asignaturas durante a totalidade do curso escolar, para despois poñer en común os resultados mediante unha exposición, un traballo en conxunto”, explica Lara Fernández.
En palabras da alcaldesa de Viveiro, María Loureiro, “son dúas iniciativas máis no noso obxectivo de acadar unha igualdade real no noso concello, queremos un Viveiro plural, inclusivo e respectuoso con todos os xéneros e colectivos”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.