Lugo, 28 de xaneiro de 2021. Ao goberno provincial, igual que ocorre noutras instancias institucionais pilotadas polos socialistas e os seus socios habituais, éncheselle a boca falando de transparencia e participación. Pero, á hora da verdade, o da transparencia e a participación queda reducido ao mínimo. Así quedou de manifesto na máis recente sesión plenaria (telemática) da Deputación na que, entre outras iniciativas, o grupo provincial popular preguntou por dúas cuestións relacionadas coa extinción de Suplusa: por un lado, os populares querían saber se o equipo presidido por José Tomé ten planes para que os ex traballadores de Suplusa dedicados ás zonas verdes, agora subrogados en Tragsa, sexan subrogados na Deputación, é dicir, entren a formar parte do cadro de persoal laboral desta institución. A outra pregunta era para coñecer se o goberno provincial ten tomada a decisión de anular os convenios establecidos no seu día por Suplusa con concellos lucenses para crear solo industrial. O viceportavoz popular José Antonio García di que as explicacións do goberno, por boca de Pilar García Porto, foron “non respostas”, pero, iso si, confirmaron os temores do PP e demostraron que a liña seguida por este partido en todo o relacionado coa extinción de Suplusa foi a correcta.
En relación coa situación dos ex traballadores de Suplusa, hoxe en Tragsa, José Antonio García sinala: “Gustaríanos pensar que hai posibilidades de que, finalmente, sexan subrogados na Deputación e que entren no seu cadro de persoal laboral, como pedimos reiteradamente. Porque é de xustiza que sexa así, e que non se vexan discriminados con respecto a outros traballadores que estaban en situacións similares. Pero a resposta, que foi unha non resposta, porque non aclarou nada, deixounos moi preocupados”.
García di que “a total falta de concreción na resposta da señora García Porto constitúe, todo hai que dicilo, unha verdadeira falta de respecto aos traballadores, aos membros do grupo provincial do PP e aos cidadáns en xeral”. Engadiu: “Non sei se foi debido a indicacións do presidente ou foi por iniciativa propia, pero a súa resposta non é digna dun representante público nun país democraticamente maduro”.
En canto á resposta dada á pregunta sobre os convenios establecidos no seu día por Suplusa cos concellos para a creación de solo industrial, José Antonio García, di que se cumpren os peores temores do PP e que o goberno provincial os dá por caducados. “Cumpriuse o que nós viñemos avisando e por iso dixemos unha e outra vez que Suplusa non debía extinguirse ata que os convenios foran renovados coa Deputación”.
O mesmo viceportavoz popular sinala: “O presidente estivo caladiño, sen dicir nin si nin non, dando unha de cal e outra de area ata que agora confirman que os convenios de Suplusa cos concellos quedan anulados. É un comportamento pouco exemplar e unha decisión lamentable; é unha resolución que chega cando máis necesario é que os concellos poidan poñer solo industrial a disposición de empresas, autónomos e emprendedores”. García considera que, desta maneira, “estrangúlase unha política provincial de creación de solo industrial que foi bandeira da sociedade Suplusa durante vinte anos”.
García está convencido de que, como xa dixeron os populares máis veces no actual mandato, “a Deputación de Lugo cada día é máis cara e presta menos servizos”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
