Ribadeo, 7 de xaneiro de 2021. O alcalde, Fernando Suárez, subliñou que o último cribado xeral realizado a traballadores e usuarios do Hospital Asilo deu negativo. Para o rexedor iso indica “que este gromo non vai a máis e tamén permite pensar que se produciu o punto de inflexión a partir do cal as cousas han ir a mellor”. Suárez Barcia asegurou que unha das persoas residentes, que fora trasladada ao Cegadi a Santiago, recibe hoxe a alta e volta ao Hospital Asilo ribadense.
O alcalde dixo que “hai dous días, as autoridades sanitarias fixeron un novo cribado xeral aos traballadores e aos usuarios do Hospital Asilo e acabamos de saber que todas as probas feitas deron negativo, o cal é unha moi boa nova posto que indica que, cando menos, este gromo non vai a máis, e isto tamén permite pensar que xa se produciu o punto de inflexión a partir do cal as cousas han ir indo pouco a pouco mellor. Tamén imos vendo que o tempo xoga a favor de ir recuperando a normalidade pois xa hai máis dúas semanas que se detectaron os primeiros casos positivos, en base a isto me acaban de comunicar que se fixeron as probas ás primeiras persoas contaxiadas, e hoxe hai unha persoa que recibe a alta, ao longo deste día, dado que a proba PCR foi negativa e no test de anticorpos revelou que ten unha inmunidade xerada contra o Covid 19, polo tanto hoxe mesmo será trasladada ao Hospital Asilo de Ribadeo”.
Fernando Suárez seguiu a relatar que “hai outras persoas daquela primeira remesa que tamén están superando a doenza, aínda que van seguir no Cegadi uns días máis dado que a súa recuperación física xeral recoméndao, xa que tiñan patoloxías previas. Así temos que os 4 traballadores afectados están nos seus domicilios gardando a corentena necesaria e cos protocolos pertinentes. En canto aos usuarios, e ao longo deste gromo producido hai días, 19 deles foron trasladados ao Cegadi. Este centro está preparado para a atención de persoas consideradas válidas ou con nivel de dependencia baixa. Unha destas persoas será trasladada ao Hospital Asilo de Ribadeo no día de hoxe por ter superada a doenza. Outros 3 usuarios diagnosticados como positivos, e de acordo cos criterios das autoridades sanitarias, permanecen no Hospital Asilo debido ao seu elevado nivel de dependencia previo ao contaxio vírico. Tamén se atopa nesta situación, desde o primeiro día detectado, a relixiosa afectada de Covid 19. Para todas estas persoas están habilitados igualmente os protocolos de atención, coidado e protección indicados polos servizos sanitarios e sociais. Tamén se atopa 1 persoa usuaria no Hospital da Costa en Burela, indicándose que cando supere a situación hospitalaria será derivada, segundo o seu grao de dependencia, ben ao Cegadi ou ben ao Hospital Asilo de Ribadeo”.
O rexedor valorou “como moi positiva a actuación coordinada en todo este tempo na aplicación dos protocolos e dos plans de continxencia por parte da dirección do centro, do persoal do centro, da actitude tamén dos residentes, e igualmente da actuación coordinada das autoridades sanitarias do Hospital da Costa e das do Cegadi, que é o Centro Galego de Desenvolvemento Integral por ir desprazando a Santiago a todas estas persoas afectadas que está logrando, primeiramente que estean nas mellores condicións de atención residencial e hospitalaria posible as que foron trasladadas alí e, ao mesmo tempo, que isto foi servindo para ir baixando, de xeito moi importante, o risco de transmisión vírica para o resto de persoas que viñeron dando todo este tempo negativo no Hospital Asilo, e que actualmente suman vinte entre usuarios e persoal”.
Suárez Barcia engadiu que “seguiremos mantendo informada á cidadanía sexa cal sexa a situación á que nos teñamos que enfrontar pero, cada día que pasa, temos máis confianza en estar pasando xa polo pico de madurez deste gromo que se iniciou hai máis de dúas semanas e que hoxe, por fin, parece que empezamos a ver a luz ao final do túnel”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
