mde
Alfoz, 23 de xaneiro, 2021. Via Alfoz instou ao alcalde de Alfoz, Jorge Val (Psoe), como responsable da convocatoria das sesións, a que, durante a vixencia do actual estado de alarma, se proceda á celebración telemática de sesións plenarias e de outros órganos colexiados do Concello de Alfoz, permitindo garantir a transparencia, a información e o funcionamento democrático do concello, sen poñer en risco aos membros do pleno nin aos asistentes que, por outra banda, terían limitado o acceso no caso das sesións plenarias presenciais por cuestións de aforo.
Segundo indica a Dirección Executiva de Via Alfoz, “As restricións sanitarias marcadas polas diferentes administracións deberían terse en conta nestes momentos, pero parece que o goberno municipal non ten moi claro que nos enfrontamos a una pandemia e que temos que tomar medidas para combatela e non asumir riscos innecesarios”.
Xabier Pardiñas, voceiro do Grupo Municipal de Via Alfoz, trasladou esta petición mediante unha moción, que non puido nin sequera ser debatida no Pleno ao non considerala como asunto de urxencia, o que amosa de novo a intransixencia do actual alcalde, “indicando que el é o responsable de convocar os plenos e polo tanto se celebrará como el queira, e recordándonos de novo que teñen a maioría e non teñen porqué contar coas nosas propostas”.
Aínda que desde a alcaldía indicaron o Servizo de Audiovisuais da Deputación Provincial de Lugo non pode actualmente dar servizo para celebración de sesións de forma telemática, desde a Dirección Executiva de Via Alfoz consideran que é simplemente “unha desculpa mais e unha falta de vontade absoluta por parte do alcalde, que roza a irresponsabilidade ante a actual situación sanitaria”, engadindo que, “o señor alcalde non pode pensar que está na súa casa, esta é a casa de todos e non pode facer o que queira. Non ten sentido que non nos poidamos reunir mais de catro persoas nunha casa ou nun local de hostalaría e se abra a casa do concello para celebrar Plenos, habendo outras alternativas. Fainos elixir entre a nosa saúde a as nosas obrigas como concelleiros”.
Precisamente, respecto aos locais de hostalaría, Via Alfoz preguntou no Pleno se o goberno municipal tiña pensado axudas ante a actual situación de restricións de apertura. A resposta da alcaldía sorprendeu de novo aos independentes pois “espetounos que o concello non ten competencias para dar axudas aos nosos empresarios. Nós simplemente lle pedimos que mire ao seu redor para ver o que fan outros concellos”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
