Ribadeo, 18 de febreiro de 2021. A vacinación das traballadoras do Servizo de Atención a Persoas Dependentes, de Ribadeo, comezará a vindeira semana. A concelleira de Servizos Sociais, Mónica Freire, rexeita as críticas vertidas hoxe polo grupo municipal popular e asegura que toda a documentación esixida lle foi remitida polo Concello á Fegamp e esta á súa vez á autoridade sanitaria.
A edil ribadense subliñou que “desde a Área de Servizos Sociais do Concello de Ribadeo queremos aclarar que tanto os datos do persoal propio municipal como os da empresa que nos presta o Servizo de Atención ás Persoas Dependentes foron enviados en forma e prazo á Fegamp, seguindo as instrucións que nos fixeron chegar. Tamén estamos en disposición de confirmar que a Fegamp trasladou estes datos á autoridade sanitaria para que esta comece a convocar a estes profesionais para seren vacinados, feito que segundo informacións que puidemos recabar esta mañá se comezará a facer para a vindeira semana”.
Mónica Freire dixo que “fixemos todo isto dunha maneira o máis dilixente posible, como non pode ser doutro xeito cando falamos, coma neste caso, da vacinación destas profesionais que atenden ás persoas máis vulnerables da nosa sociedade”.
A concelleira de Servizos Sociais engadiu: “non sabemos a qué veñen estas declaracións do voceiro do PP, que o único que fan é sementar un recelo que non se corresponde coa realidade, co que aproveito para pedirlle algo máis de rigor e sobre todo seriedade cando falamos dun tema tan serio coma este”.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
