Ribadeo, 10 de febreiro, 2021. Durante todo o venres 5 de febreiro e a mañá do sábado 6 de febreiro as alumnas Helena Asensio Bande, Patricia Izquierdo Sampedro, Carme Lago Fernández e Elisa Otero Rodríguez, de 1º de BACH do IES Ribadeo Dionisio Gamallo participaron activamente na II Sesión Autonómica do Modelo de Parlamento Europeo, unha actividade auspiciada pola fundación San Patricio e coordinada polo colexio M. Peleteiro de Santiago que conta coa participación de 8 centros da comunidade e un total de 40 alumnos e alumnas.
Despois dunha inauguración atípica a través de videoconferencia, o alumnado entrou en salas virtuais nas que cada comisión elaborou unha resolución sobre cada un dos temas de debate, que nesta ocasión foron os seguintes: A Unión Europea ante o fortalecemento de China, Racismo e discriminación racial na Unión Europea, Teletraballo e conciliación da vida persoal e laboral, e A busca de inmunidade dixital fronte á pandemia. As resolucións foron presentadas na Asemblea Xeral do sábado que tivo lugar de xeito virtual entre as 8:45 e as 14:00 horas. Cada comisión defendeu e deu resposta ás preguntas, emendas ou discursos en contra por parte da Asemblea e finalmente votaron sobre elas. Catro resolucións, catro diálogos abertos e unha hora para decidir sobre cada proposta.
A situación social do país impide que esta convocatoria sexa presencial como en todas as ocasións anteriores, e priva ao alumnado dunha cercanía e dunha experiencia máis directa, sen embargo o tesón e a responsabilidade de todos os implicados consegue manter o interese, o nivel e o éxito deste proxecto.
A actualidade e vixencia dos temas elixidos, a corrección no seu tratamento e o interese que suscitou nos centros adheridos ao programa, converten esta II Sesión Autonómica do Modelo de Parlamento europeo non só nun fiel reflexo do modelo parlamentario, senón tamén nunha lección de profesionalidade e vocación intelectual por parte do alumnado, que, a pesar das circunstancias, traballan máis alá dos seus deberes tratando aspectos que repercuten sobre toda a sociedade civil e sobre os que teremos que seguir construíndo o noso futuro.
Centros, profesorado e alumnado seguen mantendo a cotiandade que é imposible noutros sectores sociais, e demostran así o compromiso que o ensino ten coa cidadanía nestas situacións extremas. O traballo do profesorado segue apoiando e fundamentando a contorna social, e aportando normalidade nestes tempos difíciles. O comportamento e actitudes do alumnado contribúen a manter a esperanza e a confianza no que podemos e debemos facer para superar esta situación. Se os problemas aumentan, tamén aumenta a decisión e a coraxe da cidadanía, e, dentro da cidadanía esta xuventude está dando unha lección a diario da súa disposición a colaborar activamente para conseguir un mundo mellor.
Catro alumnas do IES Ribadeo Dionisio Gamallo participaron na II Sesión Autonómica do Modelo de Parlamento Europeo
Relacionado
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
