Burela, 18 de febreiro de 2021. O secretario xeral do PSdeG-PSOE, Gonzalo Caballero, lamentou hoxe que as axudas da Xunta para os sectores afectados polo peche chegan “tarde, mal e arrastro”. Así o dixo durante unha visita ao concello de Burela, onde mantivo un encontro co alcalde, Alfredo Llano, antes de reivindicar un “gran pacto para recuperar a área sanitaria da Mariña”.
O líder dos socialistas galegos criticou a lentitude do goberno galego á hora de liberar fondos para os sectores pechados pola situación sanitaria, e reclamou que “no mesmo DOG no que se publican as restricións se inclúan as axudas” económicas. Lembrou que a Xunta recibiu o ano pasado 224 millóns de euros para compensar a estes sectores, ademais de máis de 1.100 millóns extraordinarios para reforzar os orzamentos de 2021.
Sen embargo, estas contías non chegaron aínda aos comercios, hostaleiros ou instalacións obrigadas a pechar dende o pasado 26 de xaneiro logo da estratexia errada do presidente da Xunta. O empecinamento de Feijóo en “salvar o Nadal”, explicou, foi errado e acabou provocando a suba dos contaxios, o que derivou nun nivel de restricións acentuado para frear á curva de contaxios.
Os milleiros de negocios afectados polo peche dende hai semanas, e que terán que seguir pechados, dixo, tiveron sen embargo que aguantar todo o que vai de ano “sen o segundo paquete de medidas da Xunta”, e tiveron que agardar ata hoxe para ver as primeiras axudas publicadas no DOG.
ÁREA SANITARIA DA MARIÑA
Aproveitando a súa visita á Mariña, unha bisbarra na que tamén estará en Foz, Ribadeo e Mondoñedo, Gonzalo Caballero fixo un chamamento dende Burela a un “gran pacto para recuperar a área sanitaria da Mariña que demandan os alcaldes e alcaldesas da Mariña xunto cos veciños e veciñas”. Chamou a restaurar esta área suprimida por decisión unilateral do goberno galego que provocou un deterioro da calidade da atención sanitaria para milleiros de familias.
Resumiu que “non queremos seguir vendo como retrocede a calidade asistencial nos centros de saúde da Mariña, mentres o Hospital perde servizos e capacidade de atención aos cidadáns e cidadás da Mariña”. Sinalou á supresión da Atención Primaria polas tardes nos centros de saúde ou o retroceso no Servizo de Cardioloxía como dous exemplos dos recortes asestados polo goberno de Feijóo á sanidade pública.
O líder dos socialistas galegos reclamou un esforzo para a contratación de persoal sanitario e a posta en marcha dun catálogo de servizos sanitarios que garantan orzamentos para o Hospital da Mariña.
Pola súa banda, o alcalde de Burela, Alfredo Llano, ratificou a demanda dos socialistas galegos “agora e sempre” para recuperar a Área Sanitaria da Mariña e reivindicou o esforzo realizado polos concellos galegos para minimizar as consecuencias da crise derivada da covid, atendendo ás necesidades dos veciños e veciñas e á situación económica dos negocios.
Sinalou que o Concello vén de rematar co proceso de vacinación dos traballadores e traballadoras do Servizo de Axuda ao Fogar -SAF- e confirmou que o Concello está traballando para poder vacinar a todos os colectivos.
PLAN DE VACINACIÓN
Ao fío disto, o secretario xeral do PSdeG esixiulle á Xunta que garanta un proceso de vacinación “transparente, eficiente e rigoroso” e que garanta que “as vacinas se distribúan en función da vulnerabilidade das persoas e non de se alguén ten moitos cartos ou non”.
Caballero acusou ao presidente da Xunta de “mirar para outro lado” fronte ás irregularidades na vacinación da alcaldesa do PP en Boimorto, da responsable de DomusVi ou os casos denunciados en Pontevedra e na Mariña de Lugo.
Finalmente, en resposta a preguntas dos xornalistas, o máximo responsable dos socialistas galegos confirmou “toda a presión” para que “Alcoa teña futuro”, como amosa o feito de que o goberno de España pon á SEPI “a disposición dos intereses dos traballadores” para conseguir un novo inversor para a planta de San Cibrao.
Reclamoulle á Xunta que “traballe firmemente” e exerza as súas competencias en materia industrial ante unha presión “inadmisible e inxustificada” por parte de Alcoa, antes de sinalar que “non nos vale ningún acordo que non pase polo mantemento do emprego e da actividade industrial” na Mariña.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
