Santiago de Compostela, 17 febreiro 2021. O BNG celebra o acordo acadado no Parlamento galego para instar á Xunta a reclamar do Estado a redución do 21% ao 10% nos salóns de peiteado, unha medida que a formación nacionalista a través do seu deputado no Congreso, Néstor Rego, propuxo como emenda aos orzamentos estatais e agora presentada polo PP como proposición non de lei na Cámara galega.
Non obstante, a portavoz de Comercio, Carme González, emendou a iniciativa popular para que a redución impositiva fose permanente e non temporal, tal e como demanda o sector, proposta que foi rexeitada polo PP, que concibe a rebaixa como unha medida puntual de apoio ao sector ante a incidencia económica que sofre pola pandemia.
Neste sentido, González recriminou a PP e PSOE os seus continuos cambios de posición “segundo estean gobernando ou non” e lembrou que o BNG xa votara en contra en 2012 cando o goberno de Mariano Rajoy subiu o IVE na perruquería do 8% ao 21%. De igual xeito recordou as distintas iniciativas presentadas no Congreso dende o 2012 para reducir de novo o imposto ao sector, a última nos orzamentos estatais, rexeitada polo PSOE que solicitara a mesma medida nos anos 2014 e 2018 cando estaba na oposición. “Pouco máis que dicir, tanto ten Xan como Perillán”, reprochou con ironía.
A portavoz de Comercio celebrou en todo caso o acordo acadado agora no Parlamento galego porque, segundo recalcou, “só así se poderá paliar a situación crítica que está a atravesar o sector, cunha facturación reducida de arredor do 50%”. Nesta liña advertiu de que en 2012 (ano da subida do IVE ao 21%) operaban en Galiza 10.000 salóns de peiteado que empregaban a 21.000 persoas e “nestes oito anos quedaron no camiño 3.000 locais e perdéronse 4.000 postos de traballo: hai case un 30% de negocios menos que en 2012”, criticou.
González considerou tamén “paradoxo” que durante o estado de alarma as perruquerías fosen consideradas unha actividade esencial, mentres que á hora de aplicar o IVE “non sexan consideradas como tal e se lles aplique o xeral do 21%”. Segundo explicou, a redución impositiva non repercutiría ademais na recadación na medida en que serviría de axuda directa e permitiría manter abertos moitos negocios que doutro xeito se verían na obriga de pechar, “como xa pasou na anterior crise ou pasar á economía somerxida no servizo a domicilio, polo que deixarían de pagar impostos”, concluíu.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
